முன்பதிவில் புது மைல்கல் எட்டிய நிசான் மேக்னைட்

நிசான் நிறுவனம் தனது மேக்னைட் மாடலுக்கான முன்பதிவு 50 ஆயிரம் யூனிட்களை கடந்துள்ளதாக அறிவித்துள்ளது. அந்த வகையில் நிசான் மேக்னைட் எஸ்யுவி மாடல் விற்பனையில் புது மைல்கல் எட்டியுள்ளது.

முன்பதிவு மட்டுமின்றி இந்த காம்பேக்ட் எஸ்யுவி மாடல் இதுவரை 10 ஆயிரம் யூனிட்கள் வினியோகம் செய்யப்பட்டுள்ளது. இந்தியாவில் நிசான் மேக்னைட் மாடல் டிசம்பர் 2, 2020 அன்று வெளியிடப்பட்டு இருக்கிறது. வெளியீட்டில் இருந்து இதுவரை மேக்னைட் மாடலை வாங்க 2,78,000 பேர் மேக்னைட் விவரங்களை கேட்டறிந்துள்ளனர்.

நிசான் மேக்னைட் மாடல் XE, XL, XV மற்றும் XV பிரீமியம் என நான்கு வேரியண்ட்களில் கிடைக்கிறது. இந்த மாடல் 1.0 லிட்டர் பெட்ரோல் என்ஜின் மேனுவல் மற்றும் ஆட்டோமேடிக் டிரான்ஸ்மிஷன் ஆப்ஷன்களில் கிடைக்கிறது.