குற்றாலத்துக்கு சுற்றுலா சென்ற டிரைவர் காருடன் மாயம்

போரூர்:

அசோக் நகர் 35-வது தெருவைச் சேர்ந்தவர் சுந்தர். கார் வாடகைக்கு கொடுத்து வந்தார். இவர் அசோக் நகர் உதவி கமி‌ஷனர் ராதா கிருஷ்ணனிடம் புகார் மனு ஒன்றை அளித்தார். அதில் கூறியிருப்பதாவது:-

கும்பகோணம் பகுதியைச் சேர்ந்த நாகநாதன் என்பவர் கடந்த 10 வருடங்களாக என்னிடம் தங்கி டிரைவராக வேலை பார்த்து வருகிறார். அவர் நுங்கம்பாக்கத்தில் உள்ள டிராவல்ஸ் நிறுவனம் மூலம் குரோம்பேட்டையில் இருந்து வாடிக்கையாளர்கள் 2 பேரை காரில் ஏற்றிக் கொண்டு திருச்சி மற்றும் குற்றாலம் ஆகிய இடங்களுக்கு சுற்றுலா சென்றார்.

7-ந்தேதி செல்போனில் என்னை தொடர்பு கொண்ட நாகநாதன் 8-ந்தேதி சென்னைக்கு வந்து விடுவதாக கூறினார். ஆனால் 8-ந்தேதி காலை அவரை தொடர்பு கொண்டபோது செல்போன் “சுவிட்ச் ஆப்” செய்யப்பட்டு உள்ளது. காருடன் மாயமான நாகநாதன் மீது உரிய நடவடிக்கை எடுத்து காரை மீட்டு தர வேண்டும்.

இவ்வாறு அதில் கூறி உள்ளார்.  இதுகுறித்து போலீசார் விசாரணை நடத்தி வருகின்றனர்.