போக்கோ எக்ஸ்3 மாடலின் விலை குறைப்பு

இந்திய சந்தையில் போக்கோ எக்ஸ்3 ஸ்மார்ட்போனின் விலை ரூ. 2 ஆயிரம் குறைக்கப்படுகிறது. ப்ளிப்கார்ட் தளத்தில் நடைபெற இருக்கும் சிறப்பு விற்பனையில் இந்த ஸ்மார்ட்போன் ரூ. 14,999 விலையில் விற்பனை செய்யப்படுகிறது. மேலும் HDFC வங்கி வாடிக்கையாளர்களுக்கு ரூ. 1000 கூடுதல் தள்ளுபடி வழங்கப்படுகிறது.

ப்ளிப்கார்ட் சிறப்பு விற்பனை ஜனவரி 20 ஆம் தேதி துவங்கி ஜனவரி 24 ஆம் தேதி வரை நடைபெற இருக்கிறது. எனினும், ப்ளிப்கார்ட் பிளஸ் பயனர்கள் ஜனவரி 19 ஆம் தேதி முதல் இந்த சலுகையை பெற முடியும். 

போக்கோ எக்ஸ்3 (6 ஜிபி + 64 ஜிபி) மாடல் ரூ. 14,999

போக்கோ எக்ஸ்3 (6 ஜிபி + 128 ஜிபி) மாடல் ரூ. 15,999

போக்கோ எக்ஸ்3 (8 ஜிபி + 128 ஜிபி) மாடல் ரூ. 17,999

முன்னதாக போக்கோ எக்ஸ்3 ஸ்மார்ட்போன் இந்தியாவில் ரூ. 16,999 எனும் துவக்க விலையில் அறிமுகம் செய்யப்பட்டது. இதன் டாப் எண்ட் மாடல் விலை ரூ. 19,999 என நிர்ணயம் செய்யப்பட்டு இருந்தது. 

சிறப்பம்சங்களை பொருத்தவரை போக்கோ எக்ஸ்3 மாடலில் 6.67 இன்ச் ஃபுல் ஹெச்டி பிளஸ் எல்சிடி ஸ்கிரீன், ஸ்னாப்டிராகன் 732ஜி பிராசஸர், அதிகபட்சம் 8 ஜிபி ரேம், லிக்விட் கூலிங் பிளஸ் தொழில்நுட்பம், ஆண்ட்ராய்டு 10 மற்றும் எம்ஐயுஐ 12 வழங்கப்பட்டு இருக்கிறது.

புகைப்படங்களை எடுக்க 64 எம்பி பிரைமரி கேமரா, 13 எம்பி அல்ட்ரா வைடு சென்சார், 2 எம்பி மேக்ரோ கேமரா, 2 எம்பி போர்டிரெயிட் லென்ஸ் வழங்கப்பட்டு உள்ளது. இத்துடன் பக்கவாட்டில் கைரேகை சென்சார், 6000 எம்ஏஹெச் பேட்டரி வழங்கப்பட்டு இருக்கிறது.