நியூசிலாந்து தொடருக்கான பாகிஸ்தான் அணியில் இருந்து பஹர் ஜமான் விலகல்

பாகிஸ்தான் கிரிக்கெட் அணி மூன்று டி20 மற்றும் இரண்டு டெஸ்ட் போட்டிகளில் விளையாடுவதற்காக நியூசிலாந்து செல்ல இருக்கிறது. அடுத்த மாதம் 18-ந்தேதி கிரிக்கெட் போட்டி தொடங்குகிறது. அதற்கு முன் 10-ந்தேதி நான்கு நாட்கள் பயிற்சி ஆட்டத்தில் விளையாடுகிறது.

14 நாட்கள் கோரன்டைன் காலம் என்பதால் முன்னதாகவே பாகிஸ்தான் அணி புறப்பட்டுச் செல்கிறது. இதற்காக பாகிஸ்தான் அணி வீரர்கள் ஹோட்டலில் தங்க வைக்கப்பட்டுள்ளனர். ஹோட்டலில் உள்ள பாகிஸ்தான் அணி தொடக்க வீரர் பஹர் ஜமான் காய்ச்சல் இருப்பதாலும், பாகிஸ்தான் அணி புறப்படுவதற்குள் காய்ச்சல் குணமடைய வாய்ப்பில்லை என்பதாலும் நியூசிலாந்து தொடரில் இருந்து விலகியுள்ளார். அவருக்கு கொரோனா பரிசோதனையில் நெகட்டிவ் முடிவு வந்த போதிலும், காய்ச்சல் இருப்பதால் விலகியுள்ளார். தற்போது ஹோட்டலில் தனிமைப்படுத்தப்பட்டுள்ளார்.