ரஷித் கானின் மனைவி அனுஷ்கா ஷர்மா என கூகுள் காட்டியதால் அதிர்ந்து போன ரசிகர்கள்

ஆப்கானிஸ்தான் கிரிக்கெட் அணியின் நம்பிக்கை நட்சத்திரம் ரஷித் கான். தனது அபார சுழற்பந்து வீச்சால் டி20 கிரிக்கெட்டில் தலைசிறந்த வீரரக திகழ்கிறார். ஐபிஎல், கரீபியன் பிரிமீயர் லீக், பிக் பாஷ் போன்ற தொடர்களில் விளையாடுகிறார்.

கூகுள் தேடுதலில் ரஷித் கானின் மனைவி என டைப் செய்தால் அனுஷ்கா ஷர்மவின் விவரங்களை காண்பிக்கிறது. அத்துடன் ரஷித் கான் திருமணம் குறித்த தகவலில் திருமணம் ஆனதாகவும், மனைவி பெயர் அனுஷ்கா ஷர்மா எனவும் குறிப்பிடப்பட்டுள்ளது. விராட் கோலியுடன் அனுஷ்கா ஷர்மா திருமணம் செய்த 2017-ம் ஆண்டு டிசம்பர் மாதம் திருமணம் ஆன தேதியை காட்டுகிறது.

அனுஷ்கா ஷர்மா விராட் கோலியின் மனைவி. 2017-ம் ஆண்டு இவர்களுக்கு திருமணம் நடைபெற்றது. அடுத்த வருடம் ஜனவரியில் அனுஷ்கா ஷர்மாவுக்கு குழந்தை பிறக்க இருக்கிறது.

அப்படி என்றால் ரஷித் கான் மனைவி என டைப் செய்தால் அனுஷ்கா ஷர்மாவின் பெயர் வரக் காரணம்?.

கடந்த 2018-ம் ஆண்டு இன்ஸ்டாகிராம் செசனில் ரசிகர் ஒருவர் ரஷித் கானிடம் பிடித்த பாலிவுட் நடிகை யார்? எனக் கேட்ட கேள்விக்கு ரஷித் கான், அனுஷ்கா சர்மா மற்றும் பிரித்தி ஜிந்தா எனக் கூறியிருந்தார். அதன்பிறகு பத்திரிகைகள் ரஷித் கானுக்கு பிடித்த நடிகை அனுஷ்கா ஷர்மா என பத்திரிகைகள் செய்திகள் வெளியிட்டன. இதனால் ரஷித் கான் கடும் கோபம் அடைந்தார்.

இதுகுறித்து செய்திகள் தொடர்ந்து வந்துகொண்டிருந்ததால், அனுஷ்கா ஷர்மா ரஷித் கானின் மனைவி எனத் வெளிக்காட்டியுள்ளதாக கூறப்படுகிறது.