இந்தியாவில் இரு சாம்சங் ஸ்மார்ட்போன்களுக்கு அதிரடி விலை குறைப்பு

Published On 2020-09-30 04:11 GMT | Update On 2020-09-30 04:11 GMT

சாம்சங் நிறுவனம் இந்தியாவில் இரு கேலக்ஸி ஸ்மார்ட்போன்களுக்கு அதிரடி விலை குறைப்பை அறிவித்து இருக்கிறது.

இந்தியாவில் சாம்சங் கேலக்ஸி எம்11 மற்றும் கேலக்ஸி எம்01 ஸ்மார்ட்போன்களுக்கு விலை குறைப்பு அறிவிக்கப்பட்டு உள்ளது. கேலக்ஸி எம்11 ஸ்மார்ட்போனின் விலை முதல் முறையாக குறைக்கப்படுகிறது. கேலக்ஸி எம்01 ஸ்மார்ட்போனின் விலை இரண்டாவது முறையாக குறைக்கப்பட்டு இருக்கிறது.

இரு சாம்சங் ஸ்மார்ட்போன்களும் இந்த ஆண்டு ஜூன் மாத வாக்கில் அறிமுகம் செய்யப்பட்டன. தற்சமயம் கேலக்ஸி எம்11 ஸ்மார்ட்போனின் விலையில் ரூ. 1000 வரை குறைக்கப்பட்டு இருக்கிறது. கேலக்ஸி எம்01 ஸ்மார்ட்போனிற்கு ரூ. 400 விலை குறைப்பு அறிவிக்கப்பட்டு உள்ளது.

விலை குறைப்பின் படி கேலக்ஸி எம்11 ஸ்மார்ட்போனின் 3 ஜிபி + 32 ஜிபி மாடல் ரூ. 10,499 என்றும் 4 ஜிபி + 64 ஜிபி மாடல் ரூ. 11,999 என மாறி இருக்கிறது. இந்த ஸ்மார்ட்போன் பிளாக், மெட்டாலிக் புளூ மற்றும் வயலெட் நிறங்களில் கிடைக்கிறது.

கேலக்ஸி எம்01 ஸ்மார்ட்போனின் 3 ஜிபி + 32 ஜிபி மாடல் விலை ரூ. 7999 என மாறி இருக்கிறது. இது பிளாக், புளூ மற்றும் ரெட் நிறங்களில் கிடைக்கிறது. இரு மாடல்களும் அமேசான் மற்றும் சாம்சங் வலைதளங்களில் விற்பனை செய்யப்படுகிறது.

சாம்சங் கேலக்ஸி எம்01 சிறப்பம்சங்கள்

- 5.7 இன்ச் 1520×720 பிக்சல் HD+ LCD இன்ஃபினிட்டி வி டிஸ்ப்ளே

- ஆக்டா-கோர் ஸ்னாப்டிராகன் 439 பிராசஸர்

- அட்ரினோ 505 GPU

- 3 ஜிபி ரேம், 32 ஜிபி மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 10 மற்றும் ஒன்யுஐ 2.0

- டூயல் சிம்

- 13 எம்பி பிரைமரி கேமரா, எல்இடி ஃபிளாஷ்

- 2 எம்பி இரண்டாவது டெப்த் சென்சார்

- 5 எம்பி செல்ஃபி கேமரா

- ஃபேஸ் அன்லாக்