ஆட்டோமொபைல்
பஜாஜ் பல்சர் 125

பஜாஜ் பல்சர் மாடலுக்கு அசத்தல் தள்ளுபடி அறிவிப்பு

Published On 2020-10-16 07:52 GMT   |   Update On 2020-10-16 07:52 GMT
பஜாஜ் ஆட்டோ நிறுவனத்தின் பல்சர் மோட்டார்சைக்கிளுக்கு தள்ளுபடி சலுகை அறிவிக்கப்பட்டு உள்ளது.

இந்தியா முழுக்க பல்வேறு பஜாஜ் ஆட்டோ விற்பனையாளர்கள் பிளாட்டினா மற்றும் பல்சர் 125 மாடல்களுக்கு ரூ. 3 ஆயிரம் வரை தள்ளுபடி வழங்கி வருகின்றன. இந்த சலுகைகள் பண்டிகை காலக்கட்டத்தை குறிவைத்து அறிவிக்கப்பட்டு இருக்கின்றன.

பஜாஜ் பிளாட்டினா 100 இஎஸ் டிரம் பிரேக் வேரியண்ட்டிற்கு ரூ. 1600 மற்றும் பல்சர் 125 ஸ்ப்லிட் சீட் டிரம் பிரேக் வேரியண்ட்டிற்கு ரூ. 3 ஆயிரம் வரை தள்ளுபடி வழங்கப்பட்டு உள்ளது. இந்த தள்ளுபடி ஆன்-ரோடு விலைகளில் பொருந்தும் என தெரிவிக்கப்பட்டு உள்ளது.



பிளாட்டினா 100 இஎஸ் டிஸ்க் மாடலுக்கு ரூ. 2800, பிளாட்டினா 110 ஹெச்-கியர் டிஸ்க் மாடலுக்கு ரூ. 2 ஆயிரம், பல்சர் 125 டிரம் மாடலுக்கு ரூ. 2500, பல்சர் 125 டிரம் ஸ்ப்லிட் சீட் மாடலுக்கு ரூ. 3 ஆயிரம், பல்சர் 125 டிஸ்க் மாடலுக்கு ரூ. 2 ஆயிரம், பல்சர் 125 டிஸ்க் ஸ்ப்லிட் சீட் மாடலுக்கு ரூ. 2 ஆயிரம் தள்ளுபடி வழங்கப்படுகிறது.

பஜாஜ் மோட்டார்சைக்கிள்களுக்கு திடீர் தள்ளுபடி அறிவிக்கப்பட்டு இருப்பதால், பண்டிகை காலக்கட்டதில் விற்பனையை அதிகரிக்கும் என எதிர்பார்க்கப்படுகிறது.
Tags:    

Similar News