கொரோனா கெடுபிடிகள் தளர்வு- மதகடிப்பட்டு மாட்டு சந்தை கூடியது

மதகடிப்பட்டு:

புதுச்சேரி அருகே மதகடிப்பட்டு பகுதியில் வாரம்தோறும் செவ்வாய்கிழமைகளில் சந்தை நடப்பது வழக்கம். இது பிரெஞ்சு காலத்திலிருந்து புகழ்பெற்ற மாட்டு சந்தை. இந்த சந்தையில் காய்கறி உள்ளிட்ட அத்யாவசிய பொருட்களும் கிடைக்கிறது.

ஊரடங்கு தளர்வுக்கு பின்னர் சந்தை கூட அரசு அனுமதி அளித்ததை தொடர்ந்து இன்று மீண்டும் மதகடிப்பட்டு வார சந்தை கூடியது. எனினும் குறைந்த அளவிலேயே வியாபாரிகளும், பொதுமக்களும் சந்தைக்கு வந்தனர்.