ரூ. 500 பட்ஜெட்டில் புதிய ஜியோபோன் விரைவில் வெளியாகும் என தகவல்

ரிலையன்ஸ் ஜியோ நிறுவனம் ரூ. 999 விலையில் எல்டிஇ வசதி கொண்ட ஜியோபோன் மாடலை இந்தியாவில் அறிமுகம் செய்தது. இதைத் தொடர்ந்து ஜியோபோன் 2 மாடல் வெளியிடப்பட்டது. எனினும், இதைவிட முதல் தலைமுறை ஜியோபோன் அதிக விற்பனையாகி வருகிறது.

இந்நிலையில், ரிலையன்ஸ் டியோ தனது மொபைல் போனின் விலையை மேலும் குறைவாக நிர்ணயம் செய்வது குறித்து திட்டமிட்டு வருவதாக தகவல் வெளியாகி உள்ளது. ஜியோபோன் 5 பெயரில் புதிய மொபைல் போன் வெளியாகும் என கூறப்படுகிறது. புதிய ஜியோபோன் ஃபீச்சர் போன் தான் என்றும் இது முந்தைய ஜியோபோனின் லைட் வெர்ஷன் என கூறப்படுகிறது.

லைட் வெர்ஷன் என்பதால் புதிய ஜியோபோன் விலையும் குறைவாகவே நிர்ணயம் செய்யப்படும் என எதிர்பார்க்கப்படுகிறது. தற்சமயம் வெளியாகி இருக்கும் தகவல்களில் புதிய ஜியோபோன் துவக்க விலை ரூ. 399 என கூறப்பட்டு உள்ளது. 

இந்த தகவல் உண்மையாகும் பட்சத்தில் புதிய ஜியோபோன் 5 சந்தையில் கிடைக்கும் மிகவும் குறைந்த விலை மொபைல் போன் என்ற பெருமையை பெறும் என்பதில் எவ்வித சந்தேகமும் இல்லை. புதிய ஜியோபோன் கைஒஎஸ் பிளாட்ஃபார்ம் கொண்டிருக்கும் என கூறப்படுகிறது.

இத்துடன் இந்த மொபைலில் வாட்ஸ்அப், பேஸ்புக் மற்றும் கூகுள் போன்ற செயலிகள் பிரீ-இன்ஸ்டால் செய்யப்பட்டு இருக்கும் என எதிர்பார்க்கலாம். முந்தைய மாடல்களில் இருந்ததை போன்றே புதிய ஜியோபோனிலும் வோல்ட்இ அழைப்புகளை மேற்கொள்ள முடியும் என தெரிகிறது.