பெரிய டிஸ்ப்ளே, பாஸ்ட் சார்ஜிங் வசதியுடன் ஆப்பிள் வாட்ச் 7 அறிமுகம்

ஆப்பிள் நிறுவனம் தனது கலிபோர்னியா ஸ்டிரீமிங் நிகழ்வில் புதிய ஐபேட் மாடல்களை தொடர்ந்து ஆப்பிள் வாட்ச் சீரிஸ் 7 அறிமுகம் செய்தது. புதிய ஆப்பிள் வாட்ச் 7 நாள் முழுக்க பேட்டரி, பாஸ்ட் சார்ஜிங் வசதி கொண்டிருக்கிறது.

இத்துடன் வாட்டர் ரெசிஸ்டண்ட் வசதி, இ.சி.ஜி. வசதி கொண்டுள்ளது. புதிய வாட்ச் 7 இதுவரை வெளியான வாட்ச் மாடல்களில் மிகவும் உறுதியான வடிவமைப்பை கொண்டுள்ளது. இத்துடன் ஆல்வேஸ் ஆன் டிஸ்ப்ளே, அதிக வாட்ச் பேஸ்கள், ஐந்து அலுமினியம் நிறங்களில் கிடைக்கிறது. புதிய ஆப்பிள் வாட்ச் 7 விலை 399 டாலர்கள் என நிர்ணயிக்கப்பட்டுள்ளது.

ஆப்பிள் வாட்ச் மாடலை தொடர்ந்து ஆப்பிள் பிட்னஸ் பிளஸ் சேவை அறிவிப்புகள் வெளியானது. இதில் பல்வேறு உடற்பயிற்சி மற்றும் ஆரோக்கியம் சார்ந்த சேவைகள் இடம்பெற்றுள்ளன.