தொழில்நுட்பம்
ஒப்போ எஃப்15 இந்திய வெளியீட்டு விவரங்கள்
ஒப்போ நிறுவனத்தின் எஃப்15 ஸ்மார்ட்போன் இந்திய வெளியீட்டு விவரங்களை அந்நிறுவனம் அதிகாரப்பூர்வமாக அறிவித்துள்ளது.
ஒப்போ நிறுவனம் தனது எஃப்15 ஸ்மார்ட்போன் இந்தியாவில் ஜனவரி 16-ம் தேதி அறிமுகம் செய்யப்படும் என அதிகாரப்பூர்வமாக அறிவித்துள்ளது.
மேலும் வெளியீட்டிற்கான டீசர்களையும் அந்நிறுவனம் ப்ளிப்கார்ட் மற்றும் அமேசான் தளங்களில் வெளியிட்டு வருகிறது. முன்னதாக இந்த ஸ்மார்ட்போன் சீன சந்தையில் ஒப்போ ஏ91 பெயரில் அறிமுகம் செய்யப்பட்டது. இந்திய டீசர்களில் ஒப்போ எஃப்15 பார்க்க ஏ91 போன்றே காட்சியளிக்கிறது.
சிறப்பம்சங்களை பொருத்தவரை 6.4 இன்ச் ஃபுல் ஹெச்.டி. பிளஸ் AMOLED ஸ்கிரீன், மீடியாடெக் ஹீலியோ P70 பிராசஸர், 8 ஜி.பி. ரேம், 48 எம்.பி. பிரைமரி கேமரா, 8 எம்.பி. அல்ட்ரா வைடு கேமரா, 2 எம்.பி. டெப்த் கேமரா, 2 எம்.பி. கேமரா, 16 எம்.பி. செல்ஃபி கேமரா, 4000 எம்.ஏ.ஹெச். பேட்டரி வழங்கப்பட்டுள்ளது.
ஒப்போ ஏ91 சிறப்பம்சங்கள்:
- 6.4 இன்ச் 2400x1080 பிக்சல் FHD+ AMOLED டிஸ்ப்ளே
- கார்னிங் கொரில்லா கிளாஸ் 5
- ஆக்டா கோர் மீடியாடெக் ஹீலியோ பி70 பிராசஸர்
- 900MHz ARM மாலி-G72 MP3 GPU
- 8 ஜி.பி. ரேம்
- 128 ஜி.பி. மெமரி
- மெமரியை கூடுதலாக நீட்டிக்கும் வசதி
- டூயல் சிம் ஸ்லாட்
- கலர் ஒ.எஸ். 6.1 சார்ந்த ஆண்ட்ராய்டு 9.0 பை
- 48 எம்.பி. பிரைமரி கேமரா, எல்.இ.டி. ஃபிளாஷ்
- 8 எம்.பி. 119° அல்ட்ரா வைடு கேமரா, f/2.25, 1.12μm பிக்சல்
- 2 எம்.பி. டெப்த் சென்சார், f/2.4,1.75μm பிக்சல்
- 2 எம்.பி. மேக்ரோ கேமரா, f/2.4,1.75μm பிக்சல்
- 16 எம்.பி. செல்ஃபி கேமரா, f/2.0
- இன் டிஸ்ப்ளே கைரேகை சென்சார்
- 3.5 எம்.எம். ஆடியோ ஜாக்
- டூயல் 4ஜி வோல்ட்இ, வைபை, ப்ளூடூத் 5
- யு.எஸ்.பி. டைப்-சி
- 4025 எம்.ஏ.ஹெச். பேட்டரி
- 30 வாட் VOOC 3.0 ஃபாஸ்ட் சார்ஜிங்