செய்திகள்

சத்தீஸ்கர் சட்டசபை தேர்தல் - 77 பேர் கொண்ட முதல் கட்ட வேட்பாளர் பட்டியலை வெளியிட்டது பாஜக

Published On 2018-10-20 20:45 GMT   |   Update On 2018-10-20 20:45 GMT
சத்தீஸ்கர் மாநிலத்தில் நடைபெறவுள்ள சட்டசபை தேர்தலில் 77 பேர் கொண்ட முதல் கட்ட வேட்பாளர் பட்டியலை பாஜக வெளியிட்டுள்ளது. #ChhattisgarhElections #BJP
ராய்ப்பூர்:

சத்தீஸ்கர் மாநிலத்தில் பாஜக தலைமையிலான ஆட்சி நடைபெற்று வருகிறது. முதல் மந்திரியாக ராமன் சிங் பதவி வகித்து வருகிறார். 

சத்தீஸ்கர் மாநிலத்தில் இரண்டு கட்டங்களாக சட்டமன்றத் தேர்தல் நடத்தப்படுகிறது. மொத்தம் உள்ள 90 தொகுதிகளில் 18 தொகுதிகளில் நவம்பர் 12ம் தேதியும், 72 தொகுகளில் 20ம் தேதியும் வாக்குப்பதிவு நடத்தப்பட உள்ளது. டிசம்பர் 11ம் தேதி வாக்கு எண்ணிக்கை நடைபெற உள்ளது. 

தேர்தல் தேதி அறிவிக்கப்பட்டதையடுத்து அரசியல் கட்சிகள் தேர்தல் பணிகளை தீவிரப்படுத்தி உள்ளனர். மாநிலத்தில் ஆட்சியை தக்க வைக்க பாஜகவும், ஆட்சியை பிடிக்க காங்கிரசும் தீவிர களப்பணியாற்றி வருகின்றன.



இந்நிலையில், சத்தீஸ்கர் சட்டசபை தேர்தலில் போட்டியிடவுள்ள முதல் கட்ட வேட்பாளர் பட்டியலை பாஜக வெளியிட்டுள்ளது.

இதுதொடர்பாக, பாஜக வெளியிட்டுள்ள அறிக்கையில், 77 பேர் கொண்ட முதல் கட்ட வேட்பாளர் பட்டியலை வெளியிட்டுள்ளோம். முதல் மந்திரி ராமன் சிங் ராஜ்நந்தகாவ் தொகுதியில் போட்டியிடுகிறார்.

முதல் கட்ட வேட்பாளர் பட்டியலில் 14 பேர் பெண்கள். 14 எம்.எல்.ஏக்களுக்கு மீண்டும் வாய்ப்பு தரப்பட்டுள்ளது என தெரிவித்துள்ளது.

இதேபோல், தெலுங்கானா சட்டசபை தேர்தலில் போட்டியிட உள்ள 38 பேர் கொண்ட பட்டியலையும், மிசோரமில் போட்டியிடவுள்ள 13 பேர் கொண்ட பட்டியலையும் வெளியிட்டுள்ளது. #ChhattisgarhElections #BJP
Tags:    

Similar News