லைஃப்ஸ்டைல்
தக்காளி சட்னி

சத்துக்கள் நிறைந்த தக்காளி சட்னி

Published On 2021-10-27 05:36 GMT   |   Update On 2021-10-27 05:36 GMT
தக்காளியில் பல்வேறு வைட்டமின் சத்துக்களும், மெக்னீசியம், நார்சத்து, இரும்புசத்து, பரஸ்பரஸ், பொட்டாசியம், கால்சியம் போன்ற சத்துக்களும் உள்ளன. இது எளிதில் ஜீரணமாகச் செய்யும். மலச்சிக்கலும் நீங்கும்.
தேவையான பொருட்கள் :

தக்காளி - 3,
கறிவேப்பிலை - சிறிதளவு,
சிறிய வெங்காயம் - 50 கிராம்,
உப்பு - தேவையான அளவு
மிளகு - 1 தேக்கரண்டி,  
கடலை பருப்பு - 1 மேஜை கரண்டி,
கடுகு - அரை தேக்கரண்டி
எண்ணெய் - 1 தேக்கரண்டி

செய்முறை:

தக்காளி, வெங்காயத்தை பொடியாக நறுக்கி கொள்ளவும்.

வாணலியில் சிறிதளவு எண்ணெய் ஊற்றி வெங்காயத்தை போட்டு வதக்கவும்.

அடுத்து தக்காளியை சேர்த்து கிளறவும்.

உப்பு, மிளகு சேர்த்து கிளறி இறக்கி ஆறியதும் நன்றாக அரைக்கவும்.

கடாயில் எண்ணெய் ஊற்றி சூடானதும் கடலை பருப்பு, கறிவேப்பிலையை சேர்த்து தாளித்து, சட்னியில் சேர்த்து பரிமாறவும்.

சூப்பரான தக்காளி சட்னி ரெடி.

குறிப்பு: வெங்காயத்தை வதக்கிய பின்புதான் தக்காளியை சேர்க்கவேண்டும். முதலில் தக்காளியை கொட்டினால், அதன் சாறு வெங்காயத்தை வதங்கவிடாது.

Tags:    

Similar News