தொழில்நுட்பம்
கோப்புப்படம்

இந்தியாவில் மேலும் 47 சீன செயலிகளுக்கு தடை- விரைவில் பட்டியல் வெளியீடு?

Published On 2020-07-27 07:34 GMT   |   Update On 2020-07-27 07:34 GMT
இந்தியாவில் 47 சீன செயலிகளுக்கு தடை விதிக்கப்பட்டுள்ளதாக தகவல் வெளியாகி இருக்கிறது.


இந்தியாவில் 59 சீன செயலிகள் தடை செய்யப்பட்ட நிலையில், தற்சமயம் மேலும் 47 சீன செயலிகள் தடை செய்யப்படுவதாக தகவல் வெளியாகி உள்ளது. இவை ஏற்கனவே தடை செய்யப்பட்ட சீன செயலிகளின் குளோனாக செயல்பட்டது கண்டறியப்பட்டு இருப்பதாக கூறப்படுகிறது.

புதிதாக தடை செய்யப்பட்டுள்ள 47 சீன செயலிகள் பட்டியல் விரைவில் வெளியாகும் என தெரிகிறது. பெரும்பாலும் இந்த செயலிகள் ஜூன் 29 ஆம் தேதி தடை செய்யப்பட்ட செயலிகளின் லைட் வெர்ஷன் அல்லது அதற்கான மாற்றாக இருக்கும் என எதிர்பார்க்கப்படுகிறது. 



இவற்றில் டிக்டாக் லைட், ஹெலோ லைட், ஷேர்இட் லைட், பிகோ லைட் உள்ளிட்டவை இடம்பெற்று இருக்கலாம் என தெரிகிறது. தற்சமயம் இந்த செயலிகள் கூகுள் பிளே ஸ்டோர் மற்றும் ஆப்பிள் ஆப் ஸ்டோர்களில் கிடைப்பதில்லை.  

தடை செய்யப்பட்ட போதும், இந்த வெர்ஷன்கள் தொடர்ந்து செயல்பட்டு வருவதாக மத்திய மின்னணு மற்றும் தகவல் தொழில்நுட்ப துறை அமைச்சக அதிகாரி ஒருவர் தெரிவித்துள்ளதாக கூறப்படுகிறது.
Tags:    

Similar News