ஹோண்டாவின் புதிய சாகச மோட்டார்சைக்கிள் இந்தியாவில் அறிமுகம்

ஹோண்டா நிறுவனம் இந்திய சந்தையில் புதிய சாகச மோட்டார்சைக்கிளை அறிமுகம் செய்து இருக்கிறது. புதிய ஹோண்டா சிபி200எக்ஸ் மாடல் விலை ரூ. 1.44 லட்சம், எக்ஸ்-ஷோரூம் என துவங்குகிறது. இந்த மோட்டார்சைக்கிள் ஹார்னெட் 2.0 பிளாட்பார்மில் உருவாகி இருக்கிறது. 

புதிய மாடலின் என்ஜின் மற்றும் பிளாட்பார்ம் ஹார்னெட் 2.0 மாடலில் உள்ளதை போன்றே வழங்கப்பட்டு இருக்கிறது. இந்த மாடல் ராயல் என்பீல்டு ஹிமாலயன் மற்றும் ஹீரோ எக்ஸ்-பல்ஸ் 200 மாடல்களுக்கு இடையில் நிலைநிறுத்தப்பட்டு உள்ளது.

இந்த மோட்டார்சைக்கிளில் 184சிசி, சிங்கில் சிலிண்டர், ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 17 பி.ஹெச்.பி. திறன், 16 நியூட்டன் மீட்டர் டார்க் இழுவிசையை வழங்குகிறது. இத்துடன் 5 ஸ்பீடு கியர்பாக்ஸ் வழங்கப்படுகிறது.

புதிய ஹோண்டா சிபி200எக்ஸ் மாடல்- பியல் நைட்ஸ்டார் பிளாக், மேட் செலின் சில்வர் மெட்டாலிக் மற்றும் ஸ்போர்ட்ஸ் ரெட் போன்ற நிறங்களில் கிடைக்கிறது.