ஆட்டோமொபைல்
மெர்சிடிஸ் ஏஎம்ஜி ஜிஎல்இ53 கூப்

பிரீமியம் விலையில் மெர்சிடிஸ் ஏஎம்ஜி ஜிஎல்இ 53 கூப் மாடல் அறிமுகம்

Published On 2020-09-24 09:10 GMT   |   Update On 2020-09-24 09:10 GMT
மெர்சிடிஸ் பென்ஸ் நிறுவனம் இந்திய சந்தையில் ஏஎம்ஜி ஜிஎல்இ 53 கூப் மாடல் காரை பிரீமியம் விலையில் அறிமுகம் செய்துள்ளது.

மெர்சிடிஸ் பென்ஸ் நிறுவனம் ஏஎம்ஜி ஜிஎல்இ 53 கூப் மாடல் காரை இந்திய சந்தையில் அறிமுகம் செய்து உள்ளது. புதிய மெர்சிடிஸ் மாடல் விலை ரூ. 1.20 கோடி, எக்ஸ்-ஷோரூம் என நிர்ணயம் செய்யப்பட்டு உள்ளது. 

புதிய மெர்சிடிஸ் ஏஎம்ஜி மாடல் அந்நிறுவனத்தின் புதிய தலைமுறை ஜிஎல்இ எஸ்யுவி-யை தழுவி உருவாக்கப்பட்டு இருக்கிறது. மேலும் இது பழைய ஏஎம்ஜி ஜிஎல்இ 43 மாடலுக்கு மாற்றாக அறிமுகம் செய்யப்பட்டுள்ளது. மெர்சிடிஸ் ஏஎம்ஜி ஜிஎல்இ 53 கூப் மாடலில் புது அம்சங்கள் மற்றும் தொழில்நுட்பங்கள் வழங்கப்பட்டு இருக்கின்றன.



மெர்சிடிஸ் ஏஎம்ஜி ஜிஎல்இ 53 4மேடிக் பிளஸ் கூப் மாடலில் 3.0 லிட்டர் ட்வின் டர்போ 6 சிலிண்டர் பெட்ரோல் என்ஜின் வழங்கப்பட்டு உள்ளது. இது 435 பிஹெச்பி பவர், 530 என்எம் டார்க் செயல்திறன் வழங்குகிறது. இத்துடன் 9 ஸ்பீடு ஆட்டோமேடிக் டிரான்ஸ்மிஷன் வழங்குகிறது. 

இந்த என்ஜினுடன் 48 வோல்ட் மைல்டு-ஹைப்ரிட் சிஸ்டம் மற்றும் எப்1 சார்ந்த இக்யூ பூஸ்ட் தொழில்நுட்பம் வழங்கப்பட்டு இருக்கிறது. இது 22 பிஹெச்பி பவர், 250 என்எம் டார்க் செயல்திறன் வழங்குகிறது. இத்துடன் 4மேடிக் பிளஸ் டிரைவ் சிஸ்டம் வழங்கப்பட்டு உள்ளது.
Tags:    

Similar News