அதிக சத்துக்கள் நிறைந்த பச்சைப்பயறு இனிப்பு சுண்டல்

Published On 2020-10-30 04:38 GMT | Update On 2020-10-30 04:38 GMT

பச்சைப்பயறு உடல் எடையை குறைக்கவும், ரத்த அழுத்தத்தை கட்டுப்படுத்தவும், சரும புற்றுநோயிலிருந்து பாதுகாக்கவும் உதவுகின்றது. இரும்புச்சத்து நிறைந்தது.

தேவையான பொருட்கள்:

முளைகட்டிய பச்சைப்பயறு - ஒரு கப்
வெல்லம் - ¾ கப் (பொடி செய்தது)
தண்ணீர் - சிறிதளவு
துருவிய தேங்காய் - ½ கப்
ஏலக்காய் பொடி - சிறிதளவு
நெய் - சிறிதளவு

செய்முறை:

முளைகட்டிய பச்சைப்பயறை வாணலியில் போட்டு அத்துடன் வெல்லப்பொடியும் சிறிதளவு தண்ணீரும் சேர்த்து மிதமான தீயில் வேக வைக்கவும்.

பயறு நன்கு வெந்தவுடன் அத்துடன் துருவிய தேங்காய், ஏலக்காய் பொடி சேர்த்து சிறிதளவு நெய் விட்டு நன்கு வதக்கவும்.

காரம் விரும்பாத குழந்தைகள் இதுபோல இனிப்புச் சுவையில் சுண்டலைச் செய்து கொடுக்கும்போது கேள்வியே கேட்காமல் சாப்பிட்டு விடுவார்கள்.

முளைக்கட்டிய பயறு அதிக சத்துக்கள் நிறைந்தது. இந்த பயறு குறைந்த நேரத்திலேயே வெந்துவிடும். எனவே, பயறு சுண்டல் செய்துபோது அதை குக்கரில் வேக வைக்க கூடாது.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்