ஆட்டோமொபைல்
பிஎம்டபிள்யூ எம்5 சிஎஸ்

சக்திவாய்ந்த என்ஜினுடன் விரைவில் அறிமுகமாகும் பிஎம்டபிள்யூ எம்5 சிஎஸ்

Published On 2021-01-02 06:52 GMT   |   Update On 2021-01-02 06:52 GMT
பிஎம்டபிள்யூ நிறுவனத்தின் புதிய எம்5 சிஎஸ் மாடல் சக்திவாய்ந்த அம்சங்களுடன் விரைவில் அறிமுகமாக இருக்கிறது.

பிஎம்டபிள்யூ நிறுவனத்தின் செடான் மாடல்களில் பலரக்கும் விருப்பமான ஒன்றாக எம்5 சீரிஸ் இருக்கிறது. தற்சமயம் விற்பனை செய்யப்படும் பிஎம்டபிள்யூ எம்5 சந்தையில் வெளியாகி சில ஆண்டுகள் கழிந்துவிட்டது. தற்சமயம் புதிய எம்5 காம்படீஷன் மாடல் அறிமுகம் செய்யப்பட இருக்கிறது.

புதிய எம்5 மாடல் சக்திவாய்ந்த அம்சங்களுடன் உருவாகி வருகிறது. இந்நிலையில், புதிய எம்5 மாடலின் வெளியீட்டை உணர்த்தும் வகையில் டீசர் வீடியோவை பிஎம்டபிள்யூ வெளியிட்டு உள்ளது.

டீசரின் படி பிஎம்டபிள்யூ எம்5 சிஎஸ் மாடல் 4.4 லிட்டர் ட்வின் டர்போ வி8 பெட்ரோல் என்ஜின் கொண்டிருக்கும் என்றும் இது 635 ஹெச்பி பவர் கொண்டிருக்கும் என தெரியவந்துள்ளது. மேலும் இந்த கார் எடை முந்தைய மாடலை விட 70 கிலோ வரை குறைக்கப்பட்டு இருக்கிறது.



இந்த என்ஜினுடன் 8 ஸ்பீடு எம் ஸ்டெப்-டிரானிக் ஆட்டோமேடிக் டிரான்ஸ்மிஷன் மற்றும் எக்ஸ்-டிரைவ் ஆல்-வீல் டிரைவ் சிஸ்டம் என இருவித ஆப்ஷன்கள் வழங்கப்பட இருக்கிறது. இத்துடன் 4WD, 4WD ஸ்போர்ட் மற்றும் 2WD டிரைவ் மோட்களை கொண்டிருக்கும் என தெரிகிறது.

இத்துடன் புதிய பிஎம்டபிள்யூ எம்5 சிஎஸ் மாடல் தங்க நிறத்தால் ஆன அலுமினியம் வீல்கள், கார்பன் செராமிக் பிரேக் மற்றும் சிவப்பு நிற கேலிப்பர்களை கொண்டிருக்கிறது. இதன் கிரில் பகுதியை சுற்றி தங்கம் மற்றும் வெங்கல நிற அக்சென்ட்கள் செய்யப்பட்டு உள்ளன. மேலும் இதில் மஞ்சள் நிற முகப்பு விளக்குகள் வழங்கப்படுகின்றன.

தற்போதைய பிஎம்டபிள்யூ எம்5 மாடலில் 4.4 லிட்டர் ட்வின் டர்போ வி8 பெட்ரோல் என்ஜின் வழங்கப்பட்டு இருக்கிறது. இந்த என்ஜின் 625 ஹெச்பி பவர், 750 என்எம் டார்க் வெளிப்படுத்தும் திறன் கொண்டுள்ளது. 

இந்த கார் மணிக்கு 0 முதல் 100 கிலோமீட்டர் வேகத்தை வெறும் 3.3 நொடிகளில் எட்டிவிடும். மேலும் இந்த கார் மணிக்க 305 கிலோமீட்டர் வேகத்தில் சீறிப்பாயும் திறன் கொண்டிருக்கிறது.
Tags:    

Similar News