செய்திகள்
சிகிச்சையை விளக்கும் மருத்துவர்

பாகிஸ்தானில் கொரோனா பாதிப்பு எண்ணிக்கை 7 லட்சத்தை தாண்டியது

Published On 2021-04-07 16:21 GMT   |   Update On 2021-04-07 16:29 GMT
பாகிஸ்தானில் கொரோனா வைரசால் உயிரிழந்தோர் எண்ணிக்கை 15 ஆயிரத்தைக் கடந்துள்ளது.
இஸ்லாமாபாத் :

உலக அளவில் கொரோனா வைரஸ் தொற்று பாதிப்பில் முதலிடத்தில் அமெரிக்காவும், இரண்டாம் இடத்தில் பிரேசிலும், மூன்றாவது இடத்தில் இந்தியாவும் உள்ளன.
 
கொரோனாவால் அதிகம் பாதிக்கப்பட்ட நாடுகளின் வரிசையில் பாகிஸ்தான் 31-வது இடத்தில் உள்ளது.
 
பாகிஸ்தானில் கடந்த 24 மணி நேரத்தில் மேலும் 4,004 பேருக்கு கொரோனா தொற்று உறுதி செய்யப்பட்டுள்ளது. இதன்மூலம் அங்கு வைரஸ் தொற்றால் பாதிக்கப்பட்டோர் எண்ணிக்கை 7 லட்சத்தைக் கடந்துள்ளது. கொரோனா தொற்றுக்கு மேலும் 102 பேர் உயிரிழந்ததால், அங்கு பலியானோர் எண்ணிக்கை 15 ஆயிரத்தைத் தாண்டியுள்ளது.

அங்கு கொரோனா தொற்றில் இருந்து 6.20 லட்சத்துக்கும் மேற்பட்டோர் சிகிச்சை பெற்று குணமடைந்து வீடு திரும்பியுள்ளனர். தற்போது 64 ஆயிரத்துக்கும் அதிகமானோர் மருத்துவமனைகளில் சிகிச்சை பெற்று வருகின்றனர்.
Tags:    

Similar News