மாணவர்களுக்கு கல்வி கட்டணம் வழங்கும் திமுக, பாஜகவில் இணைந்த திமுக முன்னாள் எம்பி உள்ளிட்ட முக்கிய செய்திகள்

# குஜராத்தில் உள்ள பெட்ரோலிய பல்கலைக்கழக பட்டமளிப்பு விழாவில் காணொளி வாயிலாக பங்கேற்ற பிரதமர் மோடி, மாணவர்களுக்கு அறிவுரைகளை வழங்கி ஊக்குவித்தார். தொற்று நோய்க்கு மத்தியில் தொழில் முனைவோர் மற்றும் வேலைவாய்ப்புக்கு ஏராளமான வாய்ப்புகள் உள்ளதாக அவர் கூறினார்.

# கர்நாடகத்தில் ‘ஆன்லைன் ரம்மி’ விளையாட்டுக்கு தடை விதிக்க புதிய சட்டம் கொண்டு வரப்படும் என்று போலீஸ் மந்திரி பசவராஜ் பொம்மை தெரிவித்துள்ளார்.

# இந்தியாவில் கொரோனாவால் பாதிக்கப்பட்டோரின் மொத்த எண்ணிக்கை 90.5 லட்சமாக உயர்ந்துள்ளது. கடந்த 24 மணி நேரத்தில் 46,232 பேருக்கு கொரோனா தொற்று கண்டறியப்பட்டுள்ளது. இதுவரை 84.78 லட்சம் பேர் பாதிப்பில் இருந்து மீண்டுள்ளனர். 4.39 லட்சம் பேர் சிகிச்சையில் உள்ளனர்.

# காஷ்மீர் எல்லையில் இன்று பாகிஸ்தான் ராணுவம் நடத்திய தாக்குதலில் இந்திய ராணுவ வீரர் ஒருவர் உயிரிழந்தார். 

# சென்னையில் இன்று மாலையில் நடைபெறும் விழாவில் ரூ.62 ஆயிரம் கோடியில் பல்வேறு திட்ட பணிகளை உள்துறை மந்திரி அமித் ஷா தொடங்கி வைக்கிறார். அவரது வருகையையொட்டி தீவிர பாதுகாப்பு ஏற்பாடுகள் செய்யப்பட்டுள்ளன.

# உள்துறை மந்திரி அமித் ஷாவின் வருகையால் பாஜகவினர் உற்சாகம் அடைந்துள்ளனர். அமித் ஷா வருகையால் தமிழ்நாட்டின் விதி மாறும் என பாஜக பொறுப்பாளர்  சி.டி.ரவி கூறி உள்ளார்.

# திமுகவில் இருந்து நீக்கப்பட்ட முன்னாள் எம்.பி. கே.பி.ராமலிங்கம் தமிழக பொறுப்பாளர் சி.டி.ரவி முன்னிலையில் பாஜகவில் இணைந்தார்.

# தனியார் மருத்துவக் கல்லூரியில் இடம் ஒதுக்கப்படும் அரசுப் பள்ளி மாணவர்களுக்கான கல்விக் கட்டணத்தை தி.மு.க ஏற்கும் என அக்கட்சியின் தலைவர் மு.க.ஸ்டாலின் அறிவித்துள்ளார்.

# தமிழகம் முழுவதும் வாக்காளர் பட்டியலில் பெயர் சேர்க்க, நீக்கம் செய்ய, திருத்தம் செய்வதற்கான சிறப்பு முகாம்கள் இன்று தொடங்கியது.

# அமெரிக்க அதிபராக தேர்வாகியுள்ள பைடன் மனைவியின் கொள்கை முடிவு இயக்குனராக இந்திய வம்சாவளியை சேர்ந்த மாலா அடிகா நியமனம் செய்யப்பட்டுள்ளார்.

# அமெரிக்காவில் இந்த ஆண்டு இறுதிக்குள் 4 கோடி கொரோனா தடுப்பூசி டோஸ்கள் பயன்பாட்டிற்கு கிடைக்கும் என வெள்ளை மாளிகை தெரிவித்துள்ளது.

# உலகின் முன்னணி வீரர்கள் 8 பேர் பங்கேற்றுள்ள ஏ.டி.பி. உலக டென்னிஸ் சாம்பியன்ஷிப் போட்டியில், ஜோகோவிச் அரையிறுதிக்கு முன்னேறினார். 

# தமிழ் சினிமாவில் அதிக ரசிகர்களை கொண்டிருக்கும் நடிகர் சிலம்பரசன், தலையில் ரத்த காயங்களுடன் இருக்கும் புகைப்படம் வெளியாகி வைரலாகி வருகிறது.