புது பெயரில் மீண்டும் வெளியாகும் பப்ஜி மொபைல்

கிராப்டான் இன்க் நிறுவனம் பேட்டில்கிரவுண்ட்ஸ் மொபைல் எனும் புது கேம் விரைவில் இந்தியாவில் அறிமுகம் செய்யப்படும் என தெரிவித்து இருக்கிறது. இந்த கேம் பிரத்யேக இன்-கேம் ஈவென்ட்களான அவுட்பிட்களை கொண்டிருக்கும். இத்துடன் டோர்னமென்ட் மற்றும் லீக் என பல சுற்றுக்களை கொண்டிருக்கும்.

புது கேம் சரியான வெளியீட்டு தேதி இதுவரை அறிவிக்கப்படவில்லை. பேட்டில்கிரவுண்ட்ஸ் மொபைல் இந்தியா பப்ஜி மொபைல் கேமின் ரி-பேட்ஜ் செய்யப்பட்ட வெர்ஷன் ஆகும். இந்தியாவில் பப்ஜி மொபைல் தடை செய்யப்பட்டுள்ளதை தொடர்ந்து புது கேமிற்கான டீசர் வெளியிடப்பட்டு இருக்கிறது.

முன்னதாக பப்ஜிமொபைல் வலைதளத்தை மூடியதோடு, பப்ஜி மொபைல் இந்தியா பெயரில் செயல்பட்டு வந்த யூடியூப் சேனல் பெயர் மாற்றப்பட்டு, அதில் இருந்து வீடியோக்கள் நீக்கப்பட்டுள்ளன. புது கேம் வெளியீட்டிற்கு முன் பேட்டில்கிரவுண்ட்ஸ் மொபைல் இந்தியா முன்பதிவு நடைபறும் என கிராப்டான் இன்க் தெரிவித்து இருக்கிறது.

இந்க கேம் இந்தியாவுக்கென பிரத்யேகமானதாக இருக்கும். வெளியீட்டை தொடர்ந்து இந்த கேமிற்கான அறிமுக நிகழ்வு நடைபெற இருக்கிறது. இதில் கேம் பற்றிய விவரங்கள் அறிவிக்கப்பட இருக்கின்றன.