குற்றாலநாதர் சுவாமி கோவிலில் சித்திரை விசு திருவிழா இன்று தொடங்குகிறது

தென்காசி மாவட்டம் குற்றாலம் குற்றால நாத சுவாமி கோவிலில் ஆண்டுதோறும் நடைபெறும் சித்திரை விசு திருவிழா நாளை (திங்கட்கிழமை) தொடங்குகிறது. திருவிழா வருகிற 14-ந் தேதி வரை நடைபெறுகிறது. தினமும் சிறப்பு பூஜைகள் மற்றும் சுவாமி அம்பாள் வீதி உலா ஆகியவை நடக்கின்றன. வருகிற 8-ந் தேதி பஞ்சமூர்த்திகள் புறப்பாடு நடக்கிறது. 9-ந் தேதி தேரோட்டம் நடைபெறுகிறது. இதில் 4 தேர்கள் வடம் பிடித்து இழுக்கப்படுகின்றன.

11-ந் தேதி காலை 9-30 மணிக்கும், இரவு 7 மணிக்கும் நடராஜ மூர்த்திக்கு தாண்டவ தீபாராதனை நடக்கிறது. 12-ந் தேதி காலை 10 மணிக்கு சித்திர சபையில் நடராஜமூர்த்திக்கு சிறப்பு அபிஷேகம் மற்றும் பச்சை சாத்தி தாண்டவ தீபாராதனை நடக்கிறது. 14-ந் தேதி சித்திரை விசு தீர்த்தவாரி நடக்கிறது.

விழா ஏற்பாடுகளை இந்து சமய அறநிலையத்துறை தூத்துக்குடி மண்டல இணை ஆணையர் அன்புமணி, உதவி ஆணையர் சங்கர், கோவில் நிர்வாக அதிகாரியும் உதவி ஆணையருமான கண்ணதாசன் ஆகியோர் செய்து வருகிறார்கள்.