மேற்கு வங்காளத்தில் ஆட்சி அமைப்பது யார்?: தேர்தலுக்கு பிந்தைய கருத்துக் கணிப்பு விவரம்

தமிழகம், கேரளா, புதுச்சேரி, அசாம், மேற்கு வங்காளம் ஆகிய ஐந்து மாநிலங்களில் சட்டசபை தேர்தல் நடைபெற்றது. தமிழகம், கேரளா, புதுச்சேரி ஆகிய மூன்று மாநிலங்களில் ஏப்ரல் 6-ந்தேதி ஒரே கட்டமாக தேர்தல் நடைபெற்றது.

அசாம் மாநிலத்தில் 126 தொகுதிகளுக்கு மார்ச் 27, ஏப்ரல் 1-ந்தேதி, ஏப்ரல் 6-ந்தேதி என மூன்று கட்டங்களாக தேர்தல் நடைபெற்றது.

294 தொகுதிகளை கொண்ட மேற்கு வங்காளத்தில் மார்ச் 27, ஏப்ரல் 1-ந்தேதி, ஏப்ரல் 6-ந்தேதி, ஏப்ரல் 10-ந்தேதி, ஏப்ரல் 17-ந்தேதி, ஏப்ரல் 22-ந்தேதி, ஏப்ரல் 26-ந்தேதி, ஏப்ரல் 29-ந்தேதி (இன்று) என 8 கட்டங்களாக தேர்தல் நடைபெற்றது.

இன்று கடைசி கட்ட தேர்தலுக்கான வாக்குப்பதிவு முடிவடைந்ததும், தேர்தலுக்கு பிந்தைய கருத்துக் கணிப்பு வெளியிடப்பட்டது.

அதில் பெரும்பாலானவை திரிணாமுல் காங்கிரஸ் கட்சி அதிகமான இடங்களை பிடிக்கும் எனத் தெரிவித்துள்ளன.

ரிபப்ளிக் டிவி- சிஎன்எக்ஸ் கருத்துக் கணிப்பில் திரணாமுல் காங்கிரஸ் 128 முதல் 138 இடங்களையும் இடங்களை பிடிக்கும் எனத்தெரிவித்துள்ளது.

ஏபிபி நியூஸ்- சி வோட்டர்- திரணாமுல் காங்கிரஸ் 152 முதல் 164 இடங்களையும், பா.ஜனதா 109 முதல் 121 இடங்களையும் பிடிக்கும் எனவும், 

பி-மார்க் திரிணாமுல் காங்கிரஸ் 152 முதல் 172 இடங்களையும், பா.ஜனதா 112 முதல் 132 இடங்களையும் பிடிக்கும் எனவும் தெரிவித்துள்ளன.