பைக்
விற்பனையகம் வரத்துவங்கிய 2022 ஆர்.சி. 125
கே.டி.எம். நிறுவனத்தின் புதிய ஆர்.சி. 125 மாடல் விற்பனையகம் வரத்துவங்கி இருக்கிறது. இதன் விவரங்களை பார்ப்போம்.
புதிய 2022 கே.டி.எம். ஆர்.சி. 125 மாடல் அக்டோபர் மாத வாக்கில் இந்தியாவில் அறிமுகம் செய்யப்பட்டது. சில மாதங்கள் தாமதமாகி புதிய ஆர்.சி. 125 தற்போது விற்பனையகம் வரத்துவங்கி இருக்கிறது. இந்தியாவில் 2022 கே.டி.எம். ஆர்.சி. 125 விலை ரூ. 1.82 லட்சம், எக்ஸ்-ஷோரூம் என நிர்ணயம் செய்யப்பட்டுள்ளது.
புதிய மாடலின் எடை முந்தைய மாடலை விட 3.4 கிலோ வரை குறைவாக இருக்கிறது. இதில் 13.7 லிட்டர் பியூவல் டேன்க் உள்ளது. இந்த மாடலில் 124சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இத்துடன் பெரிய ஏர்பாக்ஸ் உள்ளது.
மற்ற அம்சங்களை பொருத்தவரை 2022 கே.டி.எம். ஆர்.சி. 125 மாடலில் புதிய எல்.சி.டி. இன்ஸ்ட்ரூமெண்ட் கிளஸ்டர், முன்புறம் 320 எம்.எம். டிஸ்க் வழங்கப்பட்டு இருக்கிறது. இந்திய சந்தையில் புதிய கே.டி.எம். ஆர்.சி. 125 மாடல் யமஹா ஆர்.15 எஸ் மாடலுக்கு போட்டியாக அமைகிறது.