ஸ்ரீகாளஹஸ்தி சிவன் கோவிலில் தரிசன நேரம் நீட்டிப்பு

கொரோனா ஊரடங்கிற்கு பிறகு ஆந்திர மாநிலத்தில் கடந்த ஜூலை மாதத்திலிருந்து அனைத்து கோவில்களிலும் பக்தர்கள் சாமி தரிசனம் செய்ய அனுமதிக்கப்பட்டனர்.

ஸ்ரீகாளஹஸ்தி சிவன் கோவிலில் கடந்த ஜூலை 16-ந் தேதி முதல் பக்தர்கள் சாமி தரிசனம் செய்ய அனுமதிக்கப்பட்டு வந்தனர். காலை 6 மணி முதல் மாலை 6 மணி வரை மட்டுமே பக்தர்கள், சாமி தரிசனத்திற்கு அனுமதிக்கப்பட்டனர்.

இந்த நிலையில் நேற்று முதல் காலை 6 மணி முதல் இரவு 8 மணி வரை தரிசன நேரத்தை அதிகரித்து இருப்பதாக கோவில் நிர்வாக அதிகாரி டி.பெத்திராஜு தெரிவித்துள்ளார்.