பி.எஸ்.ஏ. கோல்டு ஸ்டார் 650 விளம்பர வீடியோ வெளியீடு

பி.எஸ்.ஏ. மோட்டார்சைக்கிள்ஸ் நிறுவனம் சமீபத்தில் தனது முதல் மோட்டார்சைக்கிள் மாடலை அறிமுகம் செய்தது. இந்த மோட்டார்சைக்கிள் கோல்டு ஸ்டார் என அழைக்கப்படுகிறது. தற்போது இந்த மாடலுக்கான முதல் விளம்பரப்படம் அந்நிநிறுவன யூடியூப் பக்கத்தில் வெளியாகி உள்ளது.

புதிய டீசரில் கோல்டு ஸ்டார் மாடலில் உள்ள தொழில்நுட்ப விவரங்கள் எதுவும் வெளியாகவில்லை. வீடியோவின் பின்னணியில் என்ஜின் சத்தம் மட்டும் கேட்கிறது. முன்னதாக 1938 முதல் 1963 வரையிலான காலக்கட்டத்தில் இதே பெயரில் மோட்டார்சைக்கிள் விற்பனை செய்யப்பட்டு வந்தது.

தற்போது பி.எஸ்.ஏ. மோட்டார்சைக்கிள்ஸ் நிறுவனத்தை கிளாசிக் லெஜண்ட்ஸ் எனும் நிறுவனம் வைத்திருக்கிறது. ரூ. 28 கோடி கொடுத்து பி.எஸ்.ஏ. மோட்டார்சைக்கிள்ஸ் நிறுவனத்தை வாங்கி இருக்கும் கிளாசிக் லெஜண்ட்ஸ் நிறுவனத்தை ஆனந்த் மஹிந்திரா பின்புலமாக இருக்கிறார்.

கோல்டு ஸ்டார் மாடலில் 652சிசி, சிங்கில் சிலிண்டர், 4 வால்வுகள் கொண்ட என்ஜின் வழங்கப்பட்டு இருக்கிறது. இந்த என்ஜின் 45 பி.ஹெச்.பி. திறன், 55 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 5 ஸ்பீடு மேனுவல் கியர்பாக்ஸ் வழங்கப்பட்டு இருக்கிறது.