அரியானாவில் தேர்தல் அறிக்கையை வெளியிட்டது பாஜக

சண்டிகர்:

அரியானா மாநில சட்டசபை தேர்தல் அக்டோபர் 21-ம் தேதி நடைபெற உள்ளது. இதில் ஆளும் கட்சியான பாஜக ஆட்சியை தக்கவைக்கும் வகையில் தீவிரமாக பிரச்சாரத்தில் ஈடுபட்டு வருகிறது.

இந்நிலையில், அரியானா மாநிலத்தின் சட்டசபை தேர்தலுக்கான தேர்தல் அறிக்கையை தலைநகர் சண்டிகரில் பாஜக இன்று வெளியிட்டுள்ளது.

தேர்தல் அறிக்கையை பாஜக செயல் தலைவர் ஜே.பி.நட்டா வெளியிட்டார். அப்போது முதல் மந்திரி மனோகர் லால் கட்டார் மற்றும் பாஜக மாநில தலைவர் சுபாஷ் பராலா உள்பட பலர் உடனிருந்தனர்.

இந்த தேர்தல் அறிக்கையில் இளைஞர்களுக்கு வேலைவாய்ப்பு, விவசாயிகளுக்கு இரட்டிப்பு வருமானம் உள்ளிட்ட பல்வேறு திட்டங்கள் அடங்கியுள்ளது.