செய்திகள்
குன்னூர் ஏல மையத்தில் தேயிலைத்தூள் கிலோவுக்கு ரூ.2 விலை வீழ்ச்சி
குன்னூர் ஏல மையத்தில் தேயிலைத்தூள் கிலோவுக்கு ரூ.2 விலை வீழ்ச்சி ஏற்பட்டது.
குன்னூர்:
மலைப்பிரதேசமான நீலகிரி மாவட்டத்தில் பச்சை தேயிலை விவசாயம் பிரதான தொழிலாக உள்ளது. இதனை நம்பி ஆயிரக்கணக்கான விவசாயிகளும், தொழிலாளர்களும் உள்ளனர். மேலும் 16 கூட்டுறவு தேயிலை தொழிற்சாலைகளும், 100-க்கும் மேற்பட்ட தனியார் தொழிற்சாலைகளும் இயங்கி வருகின்றன.
விவசாயிகள் தங்களது தோட்டங்களில் பறிக்கும் பச்சை தேயிலையை தொழிற்சாலைகளுக்கு வினியோகித்து வருமானம் ஈட்டி வருகின்றனர். அதன்படி விவசாயிகள் வினியோகிக்கும் பச்சை தேயிலையை கொண்டு தொழிற்சாலைகளில் தேயிலைத்தூள் தயாரிக்கப்படுகிறது.
அந்த தேயிலைத்தூள், குன்னூர் ஏல மையம் மூலம் விற்பனை செய்யப்படுகிறது. அங்கு தேயிலை வர்த்தகர் அமைப்பு சார்பில் வாரந்தோறும் வியாழன், வெள்ளி ஆகிய 2 நாட்கள் ஏலம் நடைபெறுகிறது. இதில் உள்நாட்டு மற்றும் வெளிநாட்டு வர்த்தகர்கள் கலந்துகொண்டு தேயிலைத்தூளை ஏலம் எடுக்கின்றனர். தேயிலை வர்த்தகர் அமைப்பில் உறுப்பினராக உள்ளவர்கள் மட்டுமே ஏலத்தில் கலந்துகொள்ள முடியும் என்பது குறிப்பிடத்தக்கது.
இந்த நிலையில் கடந்த 18, 19-ந் தேதிகளில் விற்பனை எண் 7-க்கான ஏலம் நடைபெற்றது. இதற்கு 14 லட்சத்து 83 ஆயிரம் கிலோ தேயிலைத்தூள் விற்பனைக்கு வந்தது. அதில் 10 லட்சத்து 75 ஆயிரம் கிலோ தேயிலைத்தூள் இலை ரகமாகவும், 4 லட்சத்து 8 ஆயிரம் கிலோ தேயிலைத்தூள் டஸ்ட் ரகமாகவும் இருந்தது.
இந்த ஏலத்தில் 60 சதவீத தேயிலைத்தூள் விற்பனையானது. அதாவது 8 லட்சத்து 86 ஆயிரம் கிலோ தேயிலைத்தூள் ஏலம் போனது. இதன் மதிப்பு ரூ.11 கோடியே 65 லட்சம் ஆகும். விற்பனையான அனைத்து தேயிலைத்தூள் ரகங்களுக்கும் ரூ.2 விலை வீழ்ச்சி ஏற்பட்டது.
சி.டி.சி. தேயிலைத்தூளின் அதிகபட்ச விலை கிலோவுக்கு ரூ.300, ஆர்தோடகஸ் தேயிலைத்தூளின் அதிகபட்ச விலை கிலோவுக்கு ரூ.275 என விற்பனையானது. சராசரி விலையாக இலை ரக சாதாரண வகை தேயிலைத்தூள் கிலோவுக்கு ரூ.110 முதல் ரூ.114 வரையும், உயர் வகை தேயிலைத்தூள் கிலோவுக்கு ரூ.170 முதல் ரூ.203 வரையும் ஏலம் போனது. டஸ்ட் ரக சாதாரண வகை தேயிலைத்தூள் கிலோவுக்கு ரூ.115 முதல் ரூ.117 வரையும், உயர் வகை தேயிலைத்தூள் கிலோவுக்கு ரூ.166 முதல் ரூ.225 வரையும் விற்பனை செய்யப்பட்டது. விற்பனை எண் 8-க்கான ஏலம் வருகிற 25, 26-ந் தேதிகளில் நடைபெற உள்ளது. அந்த ஏலத்துக்கு 16 லட்சத்து 82 ஆயிரம் கிலோ தேயிலைத்தூள் விற்பனைக்காக வருகிறது.
மலைப்பிரதேசமான நீலகிரி மாவட்டத்தில் பச்சை தேயிலை விவசாயம் பிரதான தொழிலாக உள்ளது. இதனை நம்பி ஆயிரக்கணக்கான விவசாயிகளும், தொழிலாளர்களும் உள்ளனர். மேலும் 16 கூட்டுறவு தேயிலை தொழிற்சாலைகளும், 100-க்கும் மேற்பட்ட தனியார் தொழிற்சாலைகளும் இயங்கி வருகின்றன.
விவசாயிகள் தங்களது தோட்டங்களில் பறிக்கும் பச்சை தேயிலையை தொழிற்சாலைகளுக்கு வினியோகித்து வருமானம் ஈட்டி வருகின்றனர். அதன்படி விவசாயிகள் வினியோகிக்கும் பச்சை தேயிலையை கொண்டு தொழிற்சாலைகளில் தேயிலைத்தூள் தயாரிக்கப்படுகிறது.
அந்த தேயிலைத்தூள், குன்னூர் ஏல மையம் மூலம் விற்பனை செய்யப்படுகிறது. அங்கு தேயிலை வர்த்தகர் அமைப்பு சார்பில் வாரந்தோறும் வியாழன், வெள்ளி ஆகிய 2 நாட்கள் ஏலம் நடைபெறுகிறது. இதில் உள்நாட்டு மற்றும் வெளிநாட்டு வர்த்தகர்கள் கலந்துகொண்டு தேயிலைத்தூளை ஏலம் எடுக்கின்றனர். தேயிலை வர்த்தகர் அமைப்பில் உறுப்பினராக உள்ளவர்கள் மட்டுமே ஏலத்தில் கலந்துகொள்ள முடியும் என்பது குறிப்பிடத்தக்கது.
இந்த நிலையில் கடந்த 18, 19-ந் தேதிகளில் விற்பனை எண் 7-க்கான ஏலம் நடைபெற்றது. இதற்கு 14 லட்சத்து 83 ஆயிரம் கிலோ தேயிலைத்தூள் விற்பனைக்கு வந்தது. அதில் 10 லட்சத்து 75 ஆயிரம் கிலோ தேயிலைத்தூள் இலை ரகமாகவும், 4 லட்சத்து 8 ஆயிரம் கிலோ தேயிலைத்தூள் டஸ்ட் ரகமாகவும் இருந்தது.
இந்த ஏலத்தில் 60 சதவீத தேயிலைத்தூள் விற்பனையானது. அதாவது 8 லட்சத்து 86 ஆயிரம் கிலோ தேயிலைத்தூள் ஏலம் போனது. இதன் மதிப்பு ரூ.11 கோடியே 65 லட்சம் ஆகும். விற்பனையான அனைத்து தேயிலைத்தூள் ரகங்களுக்கும் ரூ.2 விலை வீழ்ச்சி ஏற்பட்டது.
சி.டி.சி. தேயிலைத்தூளின் அதிகபட்ச விலை கிலோவுக்கு ரூ.300, ஆர்தோடகஸ் தேயிலைத்தூளின் அதிகபட்ச விலை கிலோவுக்கு ரூ.275 என விற்பனையானது. சராசரி விலையாக இலை ரக சாதாரண வகை தேயிலைத்தூள் கிலோவுக்கு ரூ.110 முதல் ரூ.114 வரையும், உயர் வகை தேயிலைத்தூள் கிலோவுக்கு ரூ.170 முதல் ரூ.203 வரையும் ஏலம் போனது. டஸ்ட் ரக சாதாரண வகை தேயிலைத்தூள் கிலோவுக்கு ரூ.115 முதல் ரூ.117 வரையும், உயர் வகை தேயிலைத்தூள் கிலோவுக்கு ரூ.166 முதல் ரூ.225 வரையும் விற்பனை செய்யப்பட்டது. விற்பனை எண் 8-க்கான ஏலம் வருகிற 25, 26-ந் தேதிகளில் நடைபெற உள்ளது. அந்த ஏலத்துக்கு 16 லட்சத்து 82 ஆயிரம் கிலோ தேயிலைத்தூள் விற்பனைக்காக வருகிறது.