ஹோட்டல் ஸ்டைல் ஃபிஷ் டிக்காவை வீட்டில் செய்யலாம் வாங்க

தேவையான பொருட்கள்:

துண்டு மீன் - அரை கிலோ
கெட்டியான தயிர் - 1 கப்
எண்ணெய் - 4 டீஸ்பூன்
வெங்காயம் விழுது - 1 டீஸ்பூன்
இஞ்சி விழுது - 1 டீஸ்பூன்
பூண்டு விழுது - 1 டீஸ்பூன்
எலுமிச்சை சாறு - 4 டீஸ்பூன்
மஞ்சள் தூள் - சிறிதளவு
தனியா தூள் - 1 தேக்கரண்டி
சீரகம் தூள் - 1 தேக்கரண்டி
பட்டை தூள் - 1/4 தேக்கரண்டி
ஜாதிக்காய் தூள் - 1/4 தேக்கரண்டி
சிவப்பு மிளகாய் தூள் - 1 டீஸ்பூன்
உப்பு - தேவைக்கேற்ப

செய்முறை:

மீனை நன்றாக கழுவி சுத்தம் செய்து கொள்ளவும்.

கொத்தமல்லியை  பொடியாக நறுக்கி கொள்ளவும்.

ஒரு கிண்ணத்தில் கெட்டியான தயிர், வெங்காயம் விழுது, எண்ணெய், இஞ்சி விழுது, பூண்டு விழுது, எலுமிச்சை சாறு, உப்பு சேர்த்து நன்றாக கலக்கவும்.

பின்னர் அதனுடன் மஞ்சள் தூள், தனியா தூள், சீரகம் தூள், பட்டை தூள், சிவப்பு மிளகாய் தூள் சேர்த்து நன்றாக மென்மையான பேஸ்ட்டை தயாரிக்கவும்.

அடுத்து அதில் கழுவி வைத்த மீனை போட்டு மசாலா மீனில் நன்றாக படும் படி பிரட்டவும்.

கலந்த மீனை மூடி, பிரிஜில் 1 மணி நேரம் வைக்கவும்.

அடுத்து மீனை வெளியே எடுத்து சிறிது கொத்தமல்லி சேர்க்கவும்.

தோசை கல்லை அடுப்பில் வைத்து எண்ணெய் ஊற்றி சூடானதும் செய்து வைத்த மீனை போட்டு ஒருபுறம் நன்றாக வெந்ததும் திருப்பி போட்டு மறுபுறம் வேக வைத்து எடுத்து பரிமாறவும்.

சுவையான ஃபிஷ் டிக்கா ரெடி.