தொழில்நுட்பச் செய்திகள்
ரியல்மி நார்சோ 50ஏ

ரூ.10,600 விலை மதிப்பில் அறிமுகமான ரியல்மி நார்சோ 50ஏ

Published On 2022-03-23 06:46 GMT   |   Update On 2022-03-23 06:46 GMT
இந்த போனில் ஆரம்ப நிலை octa-core unisoc T612 சிப்செட், 3 பின்புற கேமராக்கள் தரப்பட்டுள்ளன.
ரியல்மி நிறுவனம் நார்சோ 50ஏ பிரைம் ஸ்மார்ட்போனை இந்தோனேஷியாவில் அறிமுகம் செய்துள்ளது. 

பட்ஜெட் போனான இதில் 6.6 இன்ச் FHD+ டிஸ்பிளே, 2408x1080 பிக்ஸல் ரெஷலியூஷன், 600 நிட்ஸ் பீக் பிரைட்னஸ் வழங்கப்பட்டுள்ளது. இந்த போனில் ஆரம்ப நிலை octa-core unisoc T612 சிப்செட் தரப்பட்டுள்ளது.

கேமராவை பொறுத்தவரை f/1.8 லென்ஸ் கொண்ட 50 மெகாபிக்ஸல் பிரைமரி சென்சார், f/2.4 அப்பெர்ச்சர் கொண்ட மோனோகிரோம் போட்ரெய்ட் சென்சார், f/2.4 அப்பேர்ச்சர் கொண்ட மேக்ரோ சென்சார், 8 மெகாபிக்ஸல் ஏஐ செல்ஃபி சென்சார் வழங்கப்பட்டுள்ளன. மேலும் இதில் 5000mAh பேச்சரி, 18W சார்ஜிங் சப்போர்ட்டும் தரப்பட்டுள்ளது.

இந்த போனின் 4ஜிபி/64 ஜிபி மாடலின் விலை இந்திய மதிப்பில் ரூ.10,600-ஆகவுள்ளது. 4ஜிபி/128 ஜிபி மாடலின் விலை இந்திய மதிப்பில் ரூ.11,700-ஆகவுள்ளது.

இந்த போனின் இந்திய வெளியீடு குறித்த அறிவிப்பு வெளியாகவில்லை.
Tags:    

Similar News