வித்தியாசமான சுவையில் ராகி வெஜ் நூடுல்ஸ் செய்யலாம் வாங்க

தேவையான பொருட்கள்

ராகி நூடுல்ஸ் - ஒரு கப்,
வெங்காயம் - கால் கப்,
வெங்காயத் தாள் - தேவையான அளவு
ப.மிளகாய் - 3
நெய் - தேவையான அளவு
கேரட் - 1
கரம் மசாலா தூள் - கால் டீஸ்பூன்
இஞ்சி - பூண்டு விழுது - கால் டீஸ்பூன்
குடை மிளகாய் - 1,
கோஸ் - சிறிய துண்டு

செய்முறை

வெங்காயத்தாள், கேரட், ப.மிளகாய், வெங்காயம், குடை மிளகாய், கோஸை பொடியாக நறுக்கி கொள்ளவும்.

முதலில் ராகி நூடுல்ஸ்ஸை சிறிது உப்பு நீர் தெளித்து பிசறி, ஆவியில் வேக வைத்து எடுத்து உதிர்த்து வைத்துக் கொள்ளவும்.

ஒரு வாணலியில் எண்ணெய் ஊற்றி, சூடானதும் வெங்காயம், ப.மிளகாய் சேர்த்து வதக்கவும்.

வெங்காயம் சற்று வதங்கியதும் இஞ்சி பூண்டு விழுது சேர்த்து வதக்கவும்.

அடுத்து குடைமிளகாய், கேரட், கோஸ், உப்பு போட்டு வதக்கவும்.

அடுத்து அதில் கரம் மசாலா தூள் சேர்த்து வதக்கவும்.

அடுத்து வேக வைத்த ராகி நூடுல்ஸ் சேர்த்து கிளறவும்.

மசாலா அனைத்தும் நூடுல்ஸில் சேர்ந்ததும் ஒரு டீஸ்பூன் நெய், வெங்காயத்தாள், மிளகுத்தூள் சேர்த்து நன்றாக கிளறி இறக்கவும்.