தொழில்நுட்பம்
ரியல்மி பட்ஸ் 2

குறைந்த விலையில் ரியல்மி பட்ஸ் 2 ஹெட்போன் இந்தியாவில் அறிமுகம்

Published On 2019-08-20 10:27 GMT   |   Update On 2019-08-20 10:27 GMT
ரியல்மி பிராண்டு இந்தியாவில் புதிய ஸ்மார்ட்போன்களுடன் பட்ஸ் 2 ஹெட்போன்களை அறிமுகம் செய்துள்ளது.



ரியல்மி பிராண்டு இந்தியாவில் புதிய ரியல்மி பட்ஸ் ஹெட்போன்களை அறிமுகம் செய்துள்ளது. ரியல்மி 5 சீரிஸ் ஸ்மார்ட்போன்களுடன் அறிமுகமாகி இருக்கும் புதிய ஹெட்போன் ரியல்மி பட்ஸ் 2 என அழைக்கப்படுகிறது. இதில் மேம்பட்ட சவுண்ட் மற்றும் வடிவமைப்பு கொண்டிருக்கிறது.

புதிய ரியல்மி பட்ஸ் 2 மாடலில் 11.2 எம்.எம். பாஸ் பூஸ்ட் டிரைவர், மல்டி-லேயர் கம்போசிட் டையகிராம் மற்றும் ஜப்பான் டைகோ வாய்ஸ் காயில் உள்ளிட்டவை வழங்கப்படுகிறது. 3.5 எம்.எம். பிளக் கொண்டிருக்கும் புதிய ஹெட்போன் 3.5 எம்.எம். ஆடியோ ஜாக் கொண்டிருக்கும் பெரும்பாலான மொபைல் சாதனங்களில் பயன்படுத்த முடியும்.



இத்துடன் கேபிள் ஆர்கனைசர், பில்ட்-இன் மேக்னெட்கள் வழங்கப்பட்டுள்ளது. இதனால் ஹெட்போன் கேபிள் அடிக்கடி சிக்கிக் கொள்ளாது. அழகாகவும், அதிக உறுதித்தன்மை கொண்ட விலை குறைந்த ஹெட்போனாக ரியல்மி பட்ஸ் 2 இருப்பதாக ரியல்மி தெரிவித்துள்ளது.

ரியல்மி பட்ஸ் 2 ஹெட்போனுடன் ரியல்மி ஐகானிக் கேஸ் மற்றும் ரியல்மி டோட் பேக் உள்ளிட்டவற்றை ரியல்மி அறிமுகம் செய்துள்ளது. ரியல்மி ஐகானிக் கேஸ் விலை ரூ. 399 என நிர்ணயிக்கப்பட்டுள்ளது. இதன் விற்பனை செப்டம்பர் 21 ஆம் தேதி துவங்குகிறது. ரியல்மி பட்ஸ் 2 விலை ரூ. 599 என நிர்ணயம் செய்யப்பட்டுள்ளது.

ரியல்மி டோட் பேக் விலை ரூ. 1,199 என நிர்ணயிக்கப்பட்டுள்ளது. இதன் விற்பனை செப்டம்பர் 4 ஆம் தேதி துவங்குகிறது. இதுதவிர ரியல்மி பிராண்டு 64 எம்.பி. கேமரா கொண்ட ரியல்மி எக்ஸ்.டி. ஸ்மார்ட்போனினை செப்டம்பரில் அறிமுகம் செய்ய இருப்பதாக தெரிவித்துள்ளது.
Tags:    

Similar News