பீகாரில் பிரதமர் மோடிக்கு எதிரான போராட்டத்தில் எடுக்கப்பட்டதாக வைரலாகும் புகைப்படம்

பீகார் சட்டமன்ற தேர்தல் பிரசாரத்திற்காக பிரதமர் நரேந்திர மோடி கடந்த வெள்ளி கிழமை மாநிலம் முழுக்க மூன்று இடங்களில் பாஜக வேட்பாளர்களுக்கு வாக்கு சேகரித்தார். 

இந்நிலையில், சாலையில் Go Back Modi எனும் வாசகம் எழுதப்பட்ட புகைப்படம் சமூக வலைதளங்களில் வைரலாகி வருகிறது. வைரல் பதிவுகளில் பீகார் பயர் மோடில் இருப்பதாக தலைப்பிடப்பட்டு இருக்கிறது. 

வைரல் புகைப்படத்தை ஆய்வு செய்த போது, அது கொல்கத்தாவில் எடுக்கப்பட்டது என தெரியவந்துள்ளது. மேலும் இது குடியுரிமை திருத்த சட்டத்திற்கு எதிரான போராட்டத்தின் போது எடுக்கப்பட்டது ஆகும். 

அந்த வகையில் வைரல் புகைப்படங்கள் சமீபத்தில் எடுக்கப்படவில்லை என்பது தெளிவாகி விட்டது. வைரல் புகைப்படத்திற்கும் சமீபத்திய பீகார் தேர்தலுக்கும் எந்த தொடர்பும் இல்லை என உறுதியாகிவிட்டது. 

போலி செய்திகளை பரப்பாதீர்கள். போலி செய்திகளால் பல்வேறு பாதிப்புகள் ஏற்படுகின்றன. சமயங்களில் போலி செய்தி பாதிப்பு காரணமாக உயிரிழப்புகளும் ஏற்பட்டு இருக்கின்றன.