லா லிகா: மெஸ்சின் ஹாட்ரிக் கோலால் 4-1 என பார்சிலோனா எளிதில் வெற்றி

லா லிகா கால்பந்து லீக்கில் இந்திய நேரப்படி நேற்று நள்ளிரவு நடைபெற்ற ஆட்டத்தில் புகழ்பெற்ற கிளப் அணியான பார்சிலோனா, செல்டா விகோ அணியை எதிர்கொண்டது.

சொந்த மைதானத்தில் நடைபெற்ற ஆட்டத்தில் பார்சிலோனா ஆதிக்கம் செலுத்தியது. 23-வது நிமிடத்தில் கிடைத்த பெனால்டி வாய்ப்பை பயன்படுத்தி மெஸ்சி முதல் கோலை பதிவு செய்தார். 42-வது நிமிடத்தில் செல்டா விகோ ஒரு கோல் அடித்தது. இதனால் ஸ்கோர் 1-1 சமநிலையில் இருந்தது.

முதல் பாதி நேரம் ஆட்டம் முடிவடைவதற்கு சற்று முன் (45+1) மேலும் ஒரு கோல் அடித்தார். இதனால் பார்சிலோனா முதல் பாதி நேரத்தில் 2-1 என முன்னிலைப் பெற்றது.

2-வது பாதி நேர ஆட்டம் தொடங்கியதும் 3-வது நிமிடத்தில், அதாவது ஆட்டத்தின் 48-வது நிமிடத்தில் மெஸ்சி ஹாட்ரிக் கோலை பதிவு செய்தார். 85-வது நிமிடத்தில் செர்ஜியோ பஸ்குயட்ஸ் ஒரு கோல் அடிக்க பார்சிலோனா 4-1 என வெற்றி பெற்றது.

12 போட்டிகள் முடிவில் பார்சிலோனா 25 புள்ளிகளுடன் முதல் இடத்தில் உள்ளது.