பைக்
டி.வி.எஸ். அபாச்சி ஆர்.டி.ஆர். 200 4வி

2022 அபாச்சி ஆர்.டி.ஆர். 200 4வி இந்தியாவில் அறிமுகம்

Published On 2021-12-01 07:23 GMT   |   Update On 2021-12-01 07:23 GMT
டி.வி.எஸ். மோட்டார்ஸ் நிறுவனம் இந்திய சந்தையில் 2022 அபாச்சி ஆர்.டி.ஆர்.200 4வி மோட்டார்சைக்கிளை அறிமுகம் செய்து இருக்கிறது.


டி.வி.எஸ். மோட்டார் கம்பெனி இந்திய சந்தையில் 2022 அபாச்சி ஆர்.டி.ர்.200 4வி மோட்டார்சைக்கிளை அறிமுகம் செய்தது. புதிய மோட்டார்சைக்கிள் துவக்க விலை ரூ. 1,33,840 என நிர்ணயம் செய்யப்பட்டு உள்ளது. இந்த மாடல் சிங்கில் சேனல் ஏ.பி.எஸ். மற்றும் டூயல் சேனல் ஏ.பி.எஸ். என இரண்டு வேரியண்ட்களில் கிடைக்கிறது.

இதன் டூயல் சேனல் ஏ.பி.எஸ். வேரியண்ட் விலை ரூ. 1,38,890 என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. 2022 மாடலில் புதிய ஹெட்லேம்ப் டிசைன், இண்டகிரேட் செய்யப்பட்ட டி.ஆர்.எல். வழங்கப்பட்டுள்ளது. ஹெட்லேம்ப் செட்டப் தவிர புதிய மாடலில் வேறு எந்த மாற்றமும் மேற்கொள்ளப்படவில்லை.



2022 டி.வி.எஸ். அபாச்சி ஆர்.டி.ஆர்.200 4வி மாடலில் ஸ்போர்ட், அர்பன் மற்றும் ரெயின் என மூன்று ரைடு மோட்களை கொண்டிருக்கின்றன. இந்த மாடலில் அட்ஜஸ்ட் செய்யக்கூடிய ஷோவா முன்புற சஸ்பென்ஷன், ஷோவா மோனோ ஷாக் யூனிட், டி.வி.எஸ். ஸ்மார்ட் எக்சோனெக்ட் ப்ளூடூத் கனெக்டிவிட்டி, அட்ஜஸ்ட் செய்யக்கூடிய பிரேக், கிளட்ச் லீவர்கள் உள்ளன.

இந்த மாடலில் 197.75சிசி, சிங்கில் சிலிண்டர், 4 வால்வு, ஆயில் கூல்டு என்ஜின் வழங்கப்பட்டு இருக்கிறது. இத்துடன் 5 ஸ்பீடு கியர்பாக்ஸ் வழங்கப்பட்டு இருக்கிறது. இந்த என்ஜின் 20.2 பி.ஹெச்.பி. திறன், 16.8 நியூட்டன் மீட்டர் டார்க் இழுவிசையை வெளிப்படுத்துகிறது.
Tags:    

Similar News