லம்போர்கினி உருஸ் புது வேரியண்ட் அறிமுக விவரம்

லம்போர்கினி இந்தியா நிறுவனம் தனது சூப்பர்-பாஸ்ட் உருஸ் எஸ்.யு.வி. மாடலை இந்திய சந்தையில் அறிமுகம் செய்யும் பணிகளில் ஈடுபட்டு வருகிறது. 2018 ஆம் ஆண்டு அறிமுகமான லம்போர்கினி உருஸ் விற்பனையில் நல்ல வரவேற்பை பெற்றது. சமீபத்தில் உருஸ் பியல் கேப்சூல் எடிஷனை லம்போர்கினி அறிமுகம் செய்தது. 

தற்போது உருஸ் மாடலின் கிராபைட் கேப்சூல் எடிஷனை லம்போர்கினி அறிமுகம் செய்ய இருக்கிறது. இந்த மாடல் அதிக பிராகசமான பெயின்டிங், உள்புறம் புதிய நிற ஆப்ஷன்களை கொண்டிருக்கும் என தெரிகிறது. 

ஆடம்பரம் மற்றும் ஸ்போர்ட்ஸ் கார் மாடல்களுக்கான வரவேற்பு இந்தியாவில் அதிகரிக்கலாம் என லம்போர்கினி எதிர்பார்க்கிறது. அந்த வகையில் இந்த ஆண்டு விற்பனைக்கு லம்போர்கினி நிர்ணயித்த இலக்கில் 50 சதவீதத்தை கடந்துவிட்டது. இத்துடன் 2024 வாக்கில் மூன்று மாடல்களின் எலெக்ட்ரிக் வேரியண்டை லம்போர்கினி அறிமுகம் செய்ய இருக்கிறது.