சூப்பரான ஸ்வீட் கார்லிக் சிக்கன்

தேவையான பொருட்கள்

சிக்கன் - 1 கிலோ (எலும்பு நீக்கியது)
கோதுமை மாவு - 1/2 கப்
பூண்டு விழுது - 1 மேசைக்கரண்டி
மிளகு - 1/2 தேக்கரண்டி
உப்பு - 1/2 தேக்கரண்டி
பட்டர் - 1 மேசைக்கரண்டி
பூண்டு இஞ்சி விழுது - 2 மேசைக்கரண்டி
சோயா சோஸ் - கால் கப்
தேன் - 5 மேசைக்கரண்டி
வெங்காயத்தாள் - சிறிதளவு
பிரவுண் சுகர் - 1 மேசைக்கரண்டி
எள் - 1 தேக்கரண்டி

செய்முறை

சிக்கனை நன்றாக சுத்தம் செய்து துண்டுகளாக வெட்டிக்கொள்ளவும்.

வெங்காயத்தாளை பொடியாக நறுக்கி கொள்ளவும்.

எள்ளை வெறும் கடாயில் போட்டு வறுத்து வைக்கவும்.

ஒரு பாத்திரத்தில் கோதுமை மாவு, பூண்டு விழுது, மிளகு, உப்பு சேர்த்து நன்கு கலந்து கொள்ளவும்.

சிக்கன் துண்டுகளை இந்த கலவையில் தோய்த்து எண்ணெயில் போட்டு நன்கு பொன்னிறமாக பொரித்து எடுக்கவும்.

மற்றொரு பாத்திரத்தை அடுப்பில் வைத்து பட்டர் போட்டு சூடானதும் பூண்டு, இஞ்சி, சோயா சோஸ், தேன், பிரவுண் சுகர், சேர்த்து நன்கு சூடாக்கிய பின் பொரித்த இறைச்சி துண்டுகளை போடவும்.

கடைசியாக வறுத்த எள் கொஞ்சம் தூவவும்.

அடுப்பில் இருந்து இறக்கி வெங்காயத்தாளை தூவி பரிமாறவும்.