தொழில்நுட்பம்
கேலக்ஸி நோட் 10 லைட் ஸ்மார்ட்போனிற்கு அதிரடி தள்ளுபடி அறிவிப்பு
சாம்சங் நிறுவனத்தின் கேலக்ஸி நோட் 10 லைட் ஸ்மார்ட்போனிற்கு அதிரடி தள்ளுபடி அறிவிக்கப்பட்டு உள்ளது.
சாம்சங் கேலக்ஸி நோட் 10 லைட் ஸ்மார்ட்போனின் விலை இந்தியாவில் ரூ. 4 ஆயிரம் குறைக்கப்பட்டு இருக்கிறது. சமீபத்தில் இந்திய சந்தையில் அறிமுகமான கேலக்ஸி நோட் 10 லைட் ரூ. 38999 என விலை நிர்ணயம் செய்யப்பட்டது. பின், மொபைல் போன்களுக்கான ஜிஎஸ்டி வரி உயர்த்தப்பட்டதால் இதன் விலை ரூ. 41999 ஆக மாறியது.
இதைத் தொடர்ந்து, கேலக்ஸி நோட் 10 லைட் ஸ்மார்ட்போனின் விலை இந்தியாவில் ரூ. 4 ஆயிரம் குறைக்கப்படுவதாக சாம்சங் நிறுவனம் தெரிவித்துள்ளது. புதிய விலை குறைப்பின் படி சாம்சங் கேலக்ஸி நோட் 10 லைட் 6ஜிபி ரேம் மாடல் ரூ. 37999 விலையிலும், 8ஜிபி ரேம் மாடல் ரூ. 39999 விலையிலும் விற்பனை செய்யப்படுகிறது.
விலை குறைப்பு மட்டுமின்றி சிட்டிபேங்க் வங்கி டெபிட் அல்லது கிரெடிட் கார்டு பயனர்களுக்கு ரூ. 5 ஆயிரம் கேஷ்பேக் வழங்கப்படுகிறது. இதனால் சிட்டிபேங்க் கார்டு பயன்படுத்தும் வாடிக்கையாளர்கள் கேலக்ஸி நோட் 10 லைட் ஸ்மார்ட்போனின் 6ஜிபி வேரியண்ட்டைடை ரூ. 32999 விலையிலும், 8ஜிபி வேரியண்ட்டை ரூ. 34999 விலையிலும் வாங்க முடியும்.
இவைதவிர கேலக்ஸி நோட் 10 லைட் ஸ்மார்ட்போன் அதிகபட்சம் ஒன்பது மாதங்களுக்கு வட்டியில்லா மாத தவணை முறை வசதியும், இரண்டு மாதங்களுக்கு யூடியூப் பிரீமியம் சந்தா உள்ளிட்டவை வழங்கப்படுகிறது. வங்கி சலுகை ஜூன் 30 ஆம் தேதி வரை வழங்கப்படுகிறது.
கேலக்ஸி நோட் 10 லைட் சிறப்பம்சங்கள்:
- 6.7 இன்ச் FHD+ 2400×1080 பிக்சல் சூப்பர் AMOLED இன்ஃபினிட்டி ஒ டிஸ்ப்ளே
- ஆக்டாகோர் சாம்சங் எக்சைனோஸ் 9 சீரிஸ் 9810 பிராசஸர்
- மாலி G72MP18 GPU
- 6 ஜிபி / 8 ஜிபி LPDDR4x ரேம்
- 128 ஜிபி மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 10 மற்றும் ஒன் யு.ஐ. 2.0
- டூயல் சிம் ஸ்லாட்
- 12 எம்பி டூயல் பிக்சல் பிரைமரி கேமரா, LED ஃபிளாஷ், f/1.7, OIS
- 12 எம்பி டெலிபோட்டோ லென்ஸ், f/2.4, OIS
- 12 எம்பி அல்ட்ரா வைடு சென்சார், f/2.2
- 32 எம்பி செல்ஃபி கேமரா, f/2.2
- இன் டிஸ்ப்ளே கைரேகை சென்சார்
- 3.5 எம்எம் ஆடியோ ஜாக், டால்பி அட்மோஸ்
- டூயல் 4ஜி வோல்ட்இ, வைபை, ப்ளூடூத்
- 4,500எம்ஏஹெச் பேட்டரி