ஆட்டோமொபைல்
புதிய எலெக்ட்ரிக் கார் கான்செப்ட் அறிமுகம் செய்த டொயோட்டா
அதிநவீன அம்சங்கள் நிறைந்த புதிய எலெக்ட்ரிக் கார் விவரங்களை டொயோட்டா வெளியிட்டு இருக்கிறது.
டொயோட்டா நிறுவனம் எலெக்ட்ரிக் வாகனத்துக்கான கான்செப்ட் மாடலை அறிமுகம் செய்து இருக்கிறது. இந்த கான்செப்ட் BEV பிளாட்பார்மில் உருவாகிறது. புதிய சீரிசை உருவாக்க டொயோட்டா நிறுவனம் பிடபிள்யூடி, சுபாரு, சுசுகி மற்றும் டைஹட்சு போன்ற நிறுவனங்களுடன் இணைந்து பணியாற்றுகிறது.
புதிய மாடல் டொயோட்டா மற்றும் சுபாரு இணைந்து உருவாக்குகின்றன. இந்த மாடலில் அசத்தலான AWD தொழில்நுட்பம் வழங்கப்பட இருக்கிறது. இது நீண்ட வீல்பேஸ் மற்றும் சிறு ஓவர்ஹேங் கொண்டிருக்கிறது. இதனால் உள்புறம் பிரீமியம் செடான் மாடல்களில் இருப்பதை போன்று சவுகரியமான இடவசதி கிடைக்கும்.
இத்துடன் பிரத்யேக வடிவமைப்பு கொண்ட ஸ்டீரிங் வீல் வழங்கப்படுகிறது. இந்த கார் ஸ்டீர்-பை-வயர் சிஸ்டம் கொண்டிருக்கிறது. இதில் வழங்கப்பட இருக்கும் AWD சிஸ்டத்தை டொயோட்டா மற்றும் சுபாரு நிறுவனங்கள் இணைந்து உருவாக்குகின்றன.