டெஸ்ட் தரவரிசை - விராட் கோலி மீண்டும் முதலிடம் பிடித்து அசத்தல்

புதுடெல்லி:

ஐ.சி.சி. டெஸ்ட் கிரிக்கெட் வீர‌ர்களுக்கான தரவரிசை பட்டியலை நேற்று வெளியிட்டது.

இந்த பட்டியலில் 928 புள்ளிகள் பெற்று இந்திய கிரிக்கெட் அணியின் கேப்டன் விராட் கோலி முதல் இடத்தில் தொடர்கிறார். இந்த பட்டியலில் 4-வது இடத்தில் புஜாரா, 6-வது இடத்தில் ரஹானே ஆகியோரும் இடம் பிடித்துள்ளனர்.

ஆஸ்திரேலியாவின் ஸ்டீவ் ஸ்மித் 2வது இடத்திலும், நியூசிலாந்தின் கேன் வில்லியம்சன் 3வது இடத்திலும் உள்ளனர்.

பந்து வீச்சாளர்களை பொறுத்தவரை ஆஸ்திரேலியாவின் பாட் கம்மின்ஸ் முதல் இடத்தில் உள்ளார். இந்தியா சார்பில் பும்ரா 6-வது இடத்தை பிடித்துள்ளார்.

ஆல் ரவுண்டர்களை பொறுத்தவரை வெஸ்ட் இண்டீசின் ஜேசன் ஹோல்டர் முதல் இடத்தில் நீடிக்கிறார். இந்தியாவின் ரவீந்திர ஜடேஜா 2-வது இடத்திலும், ரவிச்சந்திரன் அஷ்வின் 6-வது இடத்திலும் உள்ளனர்.

அணிகளை பொறுத்தவரை 120 புள்ளிகளுடன் இந்திய அணி முதல் இடத்தில் உள்ளது.