ஆட்டோமொபைல்
பிஎஸ்6 ஜாவா மோட்டார்சைக்கிள்

விற்பனையகம் வந்த பிஎஸ்6 ஜாவா மோட்டார்சைக்கிள் மாடல்கள்

Published On 2020-06-18 07:13 GMT   |   Update On 2020-06-18 07:13 GMT
ஜாவா மோட்டார்சைக்கிள்ஸ் நிறுவனத்தின் பிஎஸ்6 மோட்டார்சைக்கிள் மாடல்கள் விற்பனையகம் வந்திருப்பதாக தெரிவித்துள்ளது.



ஜாவா மோட்டார்சைக்கிள்ஸ் நிறுவனம் பிஎஸ்6 மாடல்கள் நாடு முழுக்க விற்பனையகங்களுக்கு வந்திருப்பதாக தெரிவித்து இருக்கிறது. இதனை ஜாவா நிறுவனம் தனது அதிகாரப்பூர்வ சமூக வலைதள பக்கத்தில் தெரிவித்துள்ளது. பிஎஸ்6 ஜாவா மற்றும் ஜாவா ஃபார்டி டூ மாடல்கள் விற்பனையகம் வரத்துவங்கியுள்ளது.

இந்தியாவில் பிஎஸ்6 ஜாவா மற்றும் ஜாவா ஃபார்டி டூ மோட்டார்சைக்கிள்கள் மார்ச் மாத வாக்கில் அறிமுகம் செய்யப்பட்டது. இரு மாடல்களும் சிங்கிள் சேனல் ஏபிஎஸ் அல்லது டூயல் சேனல் ஏபிஎஸ் என இரு வேரியண்ட்களில் கிடைக்கிறது. 



பிஎஸ்6 சிங்கிள் சேனல் ஏபிஎஸ் மற்றும் ஜாவா ஃபார்டி டூ மாடல்களின் விலை முறையே ரூ. 1.60 லட்சம் மற்றும் ரூ. 1.73 லட்சம் என நிர்ணயம் செய்யப்பட்டுள்ளது. டூயல் சேனல் ஏபிஎஸ் மாடல்களின் விலை ரூ. 1.82 லட்சம் என்றும் ஜாவா ஃபார்டி டூ மாடலின் விலை ரூ. 1.69 லட்சம் என நிர்ணயம் செய்யப்பட்டுள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டுள்ளது. 

இரு ஜாவா மோட்டார்சைக்கிள்களிலும் 293சிசி சிங்கிள் சிலிண்டர் லிக்விட் கூல்டு என்ஜின் வழங்கப்பட்டுள்ளது. இந்த என்ஜின் 26.2 பிஹெச்பி பவர், 27 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது.
Tags:    

Similar News