தொழில்நுட்பம்
விவோ இசட் சீரிஸ் புதிய ஸ்மார்ட்போன்
விவோ நிறுவனத்தின் புதிய இசட் சீரிஸ் ஸ்மார்ட்போனின் விவரங்கள் இணையத்தில் வெளியாகியுள்ளது.
விவோ நிறுவனம் தனது இசட் சீரிசில் புதிய ஸ்மார்ட்போனினை அறிமுகம் செய்ய இருப்பதாக தகவல் வெளியானது. முன்னதாக ஜூலை மாதத்தில் விவோ இசட்1 ப்ரோ ஸ்மார்ட்போனினை விவோ அறிமுகம் செய்தது.
இந்நிலையில், தற்சமயம் வெளியாகியிருக்கும் தகவல்கலில் செப்டம்பர் மாத முதல் வாரத்தில் விவோ புதிய ஸ்மார்ட்போனினை அறிமுகம் செய்ய இருப்பதாக கூறப்படுகிறது. புதிய ஸ்மார்ட்போன் விவோ இசட்1எக்ஸ் என்ற பெயரில் அறிமுகமாகும் என தெரிகிறது.
மேலும் இது சமீபத்தில் சீனாவில் அறிமுகம் செய்யப்பட்ட விவோ இசட்5 மாடலின் ரீ-பிராண்டு செய்யப்பட்ட வெர்ஷனாக இருக்கும் என கூறப்படுகிறது.
விவோ இசட்1எக்ஸ் ஸ்மார்ட்போன் ஏற்கனவே விற்பனை செய்யப்படும் விவோ இசட்1 ப்ரோ மாடலின் மேம்பட்ட வெர்ஷனாக இருக்கும் என்றும் எதிர்பார்க்கப்படுகிறது. புகைப்படங்களை எடுக்க இந்த ஸ்மார்ட்போனில் 48 எம்.பி. பிரைமரி கேமரா கொண்ட மூன்று பிரைமரி கேமரா சென்சார் வழங்கப்படுகிறது.
இதுதவிர புதிய ஸ்மார்ட்போனின் செல்ஃபி கேமராவில் எவ்வித மாற்றமும் செய்யப்படாது என கூறப்படுகிறது. இந்த ஸ்மார்ட்போனின் விலை ரூ. 20,000 பட்ஜெட்டில் நிர்ணயிக்கப்படும் என தெரிகிறது. புதிய ஸ்மார்ட்போன் பற்றி விவோ இதுவரை எவ்வித தகவலையும் வழங்கவில்லை.