தொழில்நுட்பம்
ரியல்மி ஸ்மார்ட் டிவி

ரூ. 27 ஆயிரம் பட்ஜெட்டில் 4K ஸ்மார்ட் டிவி இந்தியாவில் அறிமுகம்

Published On 2021-05-31 10:06 GMT   |   Update On 2021-05-31 10:06 GMT
ரியல்மி நிறுவனம் இந்திய சந்தையில் புதிய ஸ்மார்ட் டிவி மாடல்களை வெவ்வேறு அளவுகளில் அறிமுகம் செய்தது.

ரியல்மி எக்ஸ்7 மேக்ஸ் ஸ்மார்ட்போனுடன் புதிய ரியல்மி ஸ்மார்ட் டிவி மாடல்களின் 43 இன்ச் மற்றும் 50 இன்ச் வேரியண்ட் இந்திய சந்தையில் அறிமுகம் செய்யப்பட்டது. இவை 10.7 கோடி நிறங்களை கொண்டிருக்கிறது. இத்துடன் டால்பி விஷன், ரியல்மியின் பிரத்யேக குரோமா பூஸ்ட் பிக்சர் என்ஜின் வழங்கப்பட்டு இருக்கிறது.

பெசல் லெஸ் டிசைன் கொண்டிருக்கும் புது ரியல்மி ஸ்மாட் டிவி 24 வாட் குவாட் ஸ்டீரியோ ஸ்பீக்கர்கள், டால்பி அட்மோஸ் வசதி கொண்டிருக்கிறது. இத்துடன் ஹேன்ட்ஸ் - பிரீ வாய்ஸ் கண்ட்ரோல், பில்ட்-இன் மைக்ரோபோன்கள் உள்ளன. இதனால் கூகுள் அசிஸ்டண்ட் சேவையுடன் எளிதில் பேச முடியும். 



ரியல்மி ஸ்மார்ட் டிவி 43 இன்ச் மற்றும் 50 இன்ச் அம்சங்கள்

- 43 / 50 இன்ச் 3840x2160 பிக்சல் 4K டிஸ்ப்ளே, HDR 10, குரோமா பூஸ்ட் பிக்சர் என்ஜின், டால்பி விஷன்
- 1.5GHz குவாட்-கோர் கார்டெக்ஸ் A53 மீடியாடெக் பிராசஸர்
- மாலி-G52MC1 GPU
- 2 ஜிபி ரேம்
- 16 ஜிபி மெமரி
- ஆண்ட்ராய்டு டிவி 10.0 
- பில்ட் இன் குரோம்காஸ்ட், நெட்ப்ளிக்ஸ், யூடியூப், பிரைம் வீடியோ, லைவ் சேனல்
- பில்ட் இன் மைக்ரோபோன்கள்
- வைபை 802.11 b/g/n, ப்ளூடூத் 5.0, 3 x HDMI, 2 x USB, ஈத்தர்நெட்
- 24 வாட் (12W x 2 ஸ்பீக்கர் + ட்வீட்டர்), டால்பி அட்மோஸ் 

ரியல்மி ஸ்மார்ட் டிவி 4K 43 இன்ச் மாடல் விலை ரூ. 27,999 என்றும் 50 இன்ச் மாடல் ரூ. 39,999 என நிர்ணயம் செய்யப்பட்டு உள்ளது. இந்த டிவி ப்ளிப்கார்ட், ரியல்மி மற்றும் ஆப்லைன் தளங்களில் ஜூன் 4 ஆம் தேதி முதல் விற்பனை செய்யப்படுகிறது.
Tags:    

Similar News