குண்டடம் அருகே விஷம் குடித்து விவசாயி தற்கொலை

குண்டடம்:

குண்டடத்தை அடுத்துள்ள பெரியகுமாரபாளையத்தை சேர்‌ந்தவர் ஜெயபாலகிருஷ்ணன் (வயது 42) விவசாயி. இவருடைய மனைவி பிரேமலதா (38) மகன்கோகுல்(20), மகள் காயத்திரி (18) ஆகியோர் உள்ளனர். இந்த நிலையில் ஜெயபாலகிருஷ்ணனுக்கு குடிப்பழக்கம் இருந்துள்ளதால் அடிக்கடி குடித்துவிட்டு வந்து வீட்டில் தகராறு செய்துள்ளார். இதனால் குடும்பத்தினர் குடிப்பழக்கத்தை விடுமாறு கூறி வந்துள்ளனர்.

அப்போதும் குடிப்பழக்கத்தை விடமுடியாத காரணத்தினால் மனமுடைந்த அவர் வீட்டில் யாரும் இல்லாத நேரத்தில் தனது தோட்டத்த்தில் இருந்த பூச்சி மருந்தை குடித்துவிட்டு மயங்கிய நிலையில் இருந்த அவரை குடும்பத்தினர் மற்றும் அக்கம்பக்கத்தினர் மீட்டு உடுமலை அரசு மருத்துவமனைக்கு அனுப்பி வைத்தனர். அங்கிருந்து மேல் சிகிச்சைக்காக கோவை தனியார் மருத்துவமனைக்கு அனுப்பி வைத்தனர். அங்கு டாக்டர்கள் தீவிர சிகிச்சையளித்தும் பலனளிக்காமல் ஜெயபாலகிருஷ்ணன் பரிதாபமாக உயிழந்தார். 

இந்த சம்பவம் குறித்த புகாரின் பேரில் குண்டடம் போலீசார் வழக்குப்பதிவு செய்து விசாரணை நடத்தி வருகின்றனர்.