ஆட்டோமொபைல்
ஏப்ரல் மாத உற்பத்தி விவரங்களை வெளியிட்ட மாருதி சுசுகி
மாருதி சுசுகி நிறுவனம் ஏப்ரல் மாதம் 1,59,955 யூனிட்களை உற்பத்தி செய்து இருக்கிறது. இதன் விவரங்களை பார்ப்போம்.
மாருதி சுசுகி நிறுவனம் ஏப்ரல் மாதத்தில் 1,59,955 யூனிட்களை உற்பத்தி செய்து இருக்கிறது. இதில் 1,12,488 மினி மற்றும் சப் காம்பேக்ட் வாகனங்கள் அடங்கும். இது ஆல்டோ, எஸ் பிரெஸ்ஸோ, வேகன் ஆர், ஸ்விப்ட், டிசையப், இக்னிஸ், பலேனோ, செலரியோ போன்ற மாடல்களை கொண்டது ஆகும்.
மார்ச் 2021 மாதத்துடன் ஒப்பிடும் போது கடந்த மாதம் 9 சதவீதம் குறைவான வாகனங்களை உற்பத்தி செய்து இருக்கிறது. மிட்-சைஸ் மாடலான சியாஸ் கடந்த மாதம் 2194 யூனிட்கள் உற்பத்தி செய்யப்பட்டன. யுடிலிட்டி வாகனங்கள் பிரிவில் ஈகோ, எர்டிகா, எக்ஸ்எல் 6, எஸ் கிராஸ், விடாரா பிரெஸ்ஸா மற்றும் ஜிப்சி போன்ற மாடல்கள் 42,903 யூனிட்கள் உற்பத்தி செய்யப்பட்டன.
கடந்த மாதம் மட்டும் 1,57,585 பயணிகள் வாகனங்கள் உற்பத்தி செய்யப்பட்டுள்ளன. சமீபத்தில் மாருதி நிறுவனம் தனது ஆலையில் வருடாந்திர பராமரிப்பு பணிகளை மேற்கொள்ள மே 1 முதல் மே 9 வரை மூடுவதாக அறிவித்தது. இதுதவிர பல்வேறு சலுகைகளையும் வழங்குகிறது.