தொழில்நுட்பம்
ஐடெல் ஸ்மார்ட் டிவி

குறைந்த விலையில் புதிய ஸ்மார்ட் டிவி மாடல்கள் இந்தியாவில் அறிமுகம்

Published On 2020-10-14 06:00 GMT   |   Update On 2020-10-14 06:00 GMT
ஐடெல் நிறுவனம் இந்திய சந்தையில் புதிய ஸ்மார்ட் டிவி மாடல்களை மிக குறைந்த விலையில் அறிமுகம் செய்து இருக்கிறது.


ஐடெல் நிறுவனம் இந்திய சந்தையில் ஆறு புதிய டிவி மாடல்களை அறிமுகம் செய்துள்ளது. இவை 32 இன்ச் அளவில் துவங்கி 55 இன்ச் வரை கிடைக்கிறது. 

இவை இரண்டு ஹெச்டி மற்றும் இரண்டு 4கே மாடல்கள் ஆகும். அழகிய வடிவமைப்பு, மெல்லிய பெசல்கள் மற்றும் சக்திவாய்ந்த பிராசஸர்களுடன் புதிய ஐடெல் டிவி மாடல்கள் உருவாக்கப்பட்டு இருக்கின்றன. 



இவற்றின் விலை ரூ. 8999 முதல் துவங்குகிறது. ஐடெல் ஐ சீரிஸ், ஐடெல் சி சீரிஸ் மற்றும் ஐடெல் ஏ சீரிஸ் என மூன்று பிரிவுகளில் கிடைக்கிறது.

ஐடெல் ஐ 155141இ 4கே டிவி விலை ரூ. 34,999 என்றும், ஐடெல் 143101இ விலை ரூ. 24,499 என நிர்ணயம் செய்யப்பட்டு உள்ளது. ஐ சீரிஸ் ஹெச்டி மாடல்கள் 43 இன்ச் புல் ஹெச்டி டிவி விலை ரூ. 21,999 என்றும் 32 இன்ச் ஹெச்டி ரெடி மாடல் விலை ரூ. 11,999 என நிர்ணயம் செய்யப்பட்டு உள்ளது.

சி சீரிஸ் மாடல்கள் விலை ரூ. 9,499 என்றும் ஏ சீரிஸ் டிவி விலை ரூ. 8,999 என நிர்ணயம் செய்யப்பட்டு உள்ளது. இவற்றின் விற்பனை ஆப்லைன் தளங்களிலும் கிடைக்கிறது.
Tags:    

Similar News