தொழில்நுட்பம்
பிளாக்ஷிப் பிராசஸர் கொண்ட கேலக்ஸி எப்62 இந்திய வெளியீட்டு விவரம்
சாம்சங் நிறுவனத்தின் கேலக்ஸி எப்62 ஸ்மார்ட்போன் வெளியீட்டு தேதி மற்றும் இதர விவரங்கள் அறிவிப்பு.
சாம்சங் நிறுவனத்தின் கேலக்ஸி எப்62 ஸ்மார்ட்போனின் வெளியீட்டு தேதி ப்ளிப்கார்ட் தளத்தில் அறிவிக்கப்பட்டது. அதன்படி சாம்சங் கேலக்ஸி எப்62 ஸ்மார்ட்போன் பிப்ரவரி 15 ஆம் தேதி இந்தியாவில் அறிமுகம் செய்யப்பட இருக்கிறது.
புதிய சாம்சங் ஸ்மார்ட்போன் எக்சைனோஸ் 9825 பிளாக்ஷிப் பிராசஸர் கொண்டிருக்கும் என ப்ளிப்கார்ட் தளத்தில் தெரிவிக்கப்பட்டு உள்ளது. இந்த ஸ்மார்ட்போன் #FullOnSpeedy எனும் ஹேஷ்டேக்குடன் பதிவிடப்பட்டு இருக்கிறது. இந்த ஸ்மார்ட்போன் சரியாக 12 மணிக்கு அறிமுகமாக இருக்கிறது.
சாம்சங் கேலக்ஸி எப்62 எதிர்பார்க்கப்படும் சிறப்பம்சங்கள்
- 6.7 இன்ச் சூப்பர் AMOLED டிஸ்ப்ளே
- எக்சைனோஸ் 9825 பிராசஸர்
- 6 ஜிபி ரேம்
- 128 ஜிபி மெமரி
- மெமரியை கூடுதலாக நீட்டிக்கும் வசதி
- இன் டிஸ்ப்ளே கைரேகை சென்சார்
- 64 எம்பி பிரைமரி கேமரா
- 7000 எம்ஏஹெச் பேட்டரி
- 25 வாட் பாஸ்ட் சார்ஜிங் வசதி