உடல்நலக்குறைவால் குஷ்பு மருத்துவமனையில் அனுமதி

சென்னை:

நடிகையும் காங்கிரஸ் கட்சி செய்தி தொடர்பாளருமான குஷ்பு திடீர் உடல்நலக்குறைவு காரணமாக நேற்று இரவு தனியார் மருத்துவமனையில் அனுமதிக்கப்பட்டுள்ளார். அவருக்கு என்ன ஆனது என்பது குறித்த தகவல்கள் எதுவும் இதுவரை வெளியாகவில்லை.

தனக்கு உடல்நலக்குறைவு ஏற்பட்டதை மட்டும் அவர் தனது சமூகவலைதளத்தில் பகிர்ந்துள்ளார். அதில் அவர் கூறியிருப்பதாவது: நாளை (இன்று) நடைபெற இருக்கும் வாக்கு எண்ணிக்கையின்போது தொலைக்காட்சி நேரலை விவாதங்களில் என்னால் கலந்துகொள்ள முடியாத சூழ்நிலை ஏற்பட்டுள்ளது. இதனால் வருத்தமாக இருக்கிறது. நாம் ஒன்று திட்டமிட்டால் கடவுள் வேறு மாதிரி ஒரு திட்டத்தை வைத்துள்ளார்’ என்று குஷ்பு தனது சமூக வலைதளப் பக்கத்தில் பதிவிட்டுள்ளார். மருத்துவமனையில் இருந்தபோதிலும் காலை முதலே தேர்தல் முன்னணி நிலவரத்தையொட்டிய பதிவுகளை பகிர்ந்து வருகிறார்.