ஸ்ரீவில்லிபுத்தூர் ஆண்டாள்-ரெங்கமன்னார் திருக்கல்யாணம் நாளை நடக்கிறது

ஸ்ரீவில்லிபுத்தூரில் பிரசித்தி பெற்ற ஆண்டாள் கோவில் உள்ளது. இந்த ேகாவில் வைணவ திருத்தலங்களில் முக்கியமானது.

இந்த கோவிலில் ஆண்டுதோறும் பங்குனி உத்திரத்தன்று ஆண்டாள்- ரெங்கமன்னார் திருக்கல்யாணம் நடைபெறுவது வழக்கம்.

அதேபோல இந்த ஆண்டுக்கான திருக்கல்யாண விழா கடந்த 10-ந் தேதியன்று கொடியேற்றத்துடன் தொடங்கியது. இதையொட்டி தினமும் ஆண்டாள், ரெங்கமன்னார் வீதி உலா வரும் நிகழ்ச்சிகள் நடைபெற்று வருகின்றன.

நாளை (வெள்ளிக்கிழமை) காலை 7 மணிக்கு ஆண்டாள், ரெங்கமன்னார் கோவிலில் இருந்து புறப்பட்டு கீழ ரதவீதியில் உள்ள செப்பு தேரில் எழுந்தருள்கின்றனர்.

பின்னர் செப்புத்தேரோட்டம் நடக்கிறது. மாலை 4 மணிக்கு ஆண்டாள் கோவிலில் திருக்கல்யாண நிகழ்ச்சிகள் ெதாடங்குகின்றன. இதற்காக திருக்கல்யாண மண்டபத்தில் பிரமாண்ட பந்தல் போடப்பட்டுள்ளது. இரவு 7 மணி முதல் 8 மணிக்குள் திருக்கல்யாண விழா நடக்கிறது. திருப்பதி ஏழுமலையான் கோவில், ஸ்ரீரங்கம் ரங்கநாதர் கோவில், மதுரை கள்ளழகர் கோவில் ஆகிய கோவில்களில், இருந்து சீர்வரிசைகள் கொண்டுவரப்படுகின்றன.

விழா ஏற்பாடுகளை தக்கார் ரவிச்சந்திரன், கோவில் நிர்வாக அதிகாரி முத்துராஜா மற்றும் அதிகாரிகள் செய்து வருகின்றனர்.