ஆட்டோமொபைல்
விற்பனையில் 17 சதவீத வளர்ச்சியை பதிவு செய்த மாருதி சுசுகி
மாருதி சுசுகி நிறுவனம் தனது வாகனங்கள் விற்பனையில் 17 சதவீதம் வளர்ச்சி அடைந்திருப்பதாக தெரிவித்து உள்ளது.
மாருதி சுசுகி நிறுவனம் ஆகஸ்ட் 2020 மாதாந்திர விற்பனை விவரங்களை வெளியிட்டு உள்ளது. அதன்படி அந்நிறுவனம் வருடாந்திர அடிப்படையில் 17.1 சதவீதம் வளர்ச்சியை பதிவு செய்துள்ளது.
ஆகஸ்ட் மாதத்தில் மட்டும் மாருதி சுசுகி நிறுவனம் 1,24,624 யூனிட்களை விற்பனை செய்துள்ளது. இது கடந்த ஆண்டு ஆகஸ்ட் மாதத்தில் 1,06,413 யூனிட்களை விற்பனை செய்திருந்தது. இது இந்தியா மட்டுமின்றி வெளிநாட்டு ஏற்றுமதியும் சேர்த்தது ஆகும்.
உள்நாட்டு விற்பனையை பொருத்தவரை 1,16,704 யூனிட்களை விற்பனை செய்துள்ளது. உள்நாட்டு விற்பனையில் மாருதி சுசுகி 20.2 சதவீத வளர்ச்சி அடைந்துள்ளது. கடந்த ஆண்டு இதே மாதத்தில் மாருதி சுசுகி நிறுவனம் 94,728 யூனிட்களை விற்பனை செய்திருந்தது.
மாருதி சுசுகி நிறுவன வாகனங்கள் விற்பனையில் பெரும்பான்மை மாடல்கள் காம்பேக்ட் ஹேட்ச்பேக் பிரிவை சேர்ந்தவை ஆகும். ஒட்டுமொத்த விற்பனையில் ஹேட்ச்பேக் பிரிவில் மட்டும் 61,956 யூனிட்கள் விற்பனையாகி இருந்தது.
மாருதி சுசுகி நிறுவனத்தின் காம்பேக்ட் பிரிவில் வேகன்ஆர், ஸ்விஃப்ட், செலரியோ, இக்னிஸ், பலேனோ, டூர் எஸ் மற்றும் டிசையர் போன்ற மாடல்களை விற்பனை செய்து வருகிறது.